SAM 77:10 - Khumi Common Language Bible

¹⁰ Naibaly kai ly “Tameuh teng y ly sa thai naira by y lawh nai deaungkho y, kai i vui no-au keh na bo,” nanai thui lawh nai ne.

SAM 77:10 ပူးပေါင်းရင်းမြစ်များ

JOBA 42:3

Kai ly tau cheng y nai khumi ne iy, ati mana nai y nang i tau cheng nai ai ym thai y nai awm lawh nai ai nangmy deng bo. Kai ly kaimy i pany thai y nai leaungsaichi hawi, kaimy i tau pho pajau y nai lyh ai hawi parai nai saichi satang thui lawh bo.

SAM 116:11

“Kai ly khri pa-rei paleung mawn naira avum bo,” nanai py, kathui nai khala y, Areng ai ym veangveang nai ne.

SAM 31:22

Nang ly kai ai nangmy mo i dengdairei patheu veng bo, nanai y kai ly jei naimy paleung mawn parai nai ne. Na i py nang teng y kasabawmra nga ai nai aeu nai khala, nang ly kai i aeu nai raawi thai bo.

SAM 73:22

amso tawnbawi kamta akhum nai deaungkho y, kai ly nang i mo y cheng naira by y.

SAM 77:5

Kai ly katlen vui nai kanichi ai adawn pasym baly, jangni i law veng nai sanengchi ai dawn tami pajau y.

THEU NAI 15:6

“Aw Areng, nang i lamtang kiu i sa thai naira ly rengrang iy jei hyn ai nai hawi parai; sa thai naira hawimy paleung ka-echi ai pasum be bo.

ISAIA 63:15

Aw Areng, chai parai iy phum-ang angvang nai kani pri, napi nai, nangmy awm nai meingtym i dengdairei kaichi ai khen kathiu kyh ba. Kaichi i vui nang i paleung mawn hai nai ly ma y mo? Nang i sa thai naira ly ma y mo? Nang i tamen naira hawi pahen naira ly ma mang y mo? Kaichi ai khai su moh kyh ba.

MARKA 9:24

Hunaibaly deaungdi i ampo my ly, “Kai ym mang, kai i ym thai y naira y kai ai sabawm kyh,” napi.

Leu Thui Nai 4:34

Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.