SAM 76:2 - Khumi Common Language Bible

² Mymy i yhm ly Jerusalem mary y awm; mymy ly Zion mawi salo y awm nai ne.

SAM 76:2 ပူးပေါင်းရင်းမြစ်များ

ATITI AWM ANGCHEI NAI 14:18

Naibaly salo kangteng Tameuh i pathyp pi nai keung Salem samrang Melkhizaedeka my tako hawi kreip hang Abram teng y syn pi;

2 NENG SATANG 6:6

Na i py vai kai ly Jerusalem mary y kai ai chiu ai nai meingtym palawn nai py, kai i khumichi ai peang ai nai keung y nang Davida ai kang vawi takhra nai ne,’ nanai leu pei bo,” napi.

SAM 27:5

Patang naira tym nai neng khala y, mymy ly kai ai ang kry ai. Achura yhm y chymme naimy ang khai ai. Patang naira avum y ai nai lengseaung pui saleung y ang khai ai.

SAM 48:2

Tameuh i mawi pui napi nai Zion mawi ly asang iy, apu parai nai ne; nang parai nai samrang i mary pui ly khaileaung pri khumichi ai amo theu hai bo.

SAM 9:11

Zion mary ai peang nai keung Areng ai ly palo nai khulym thui u! Mymy i sa nai leaungsaichi ai khumi cheng cheaungkhangchi teng y thui pi u!

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

TANGAM NAI LEU 2:6

Mymy ly achi i chiu nai Achura yhm ai ly deihpiu pa-rei taphra vui. Mymy ly reita pawi kanichi hawi, anawn kanichi ai tem hai vui bo. Samrang hawi pathyp pi nai keungchi ly vanrei naimy mymy i kado theu nai avum u nai ne.