SAM 76:12 - Khumi Common Language Bible

¹² Mymy ly paleung len, amlyh am-e nai samrang i cho chanauchi i paleung panem vui iy, nang parai nai samrangchi ai jei hyn hai ai.

SAM 76:12 ပူးပေါင်းရင်းမြစ်များ

2 NENG SATANG 32:21

Areng ly kani pri amtaw thau ai pato iy, Asuria tavaimi risachi hawi tavai luchi ai padei hai nai ne. Naibaly empara samrang ly kangji nga naimy Asuria pri mang y vawi bo. Kanirei nai khala y ni ly my i tameuh achura yhm y awm nai thym khala, chapo phyreichi my ni ai haisau hawi tleh u bo.

SAM 2:10

Nangchi samrangchi awi, tau tleaung y awm u; nangchi samrang bawibawichi awi, dawn pany u.

SAM 2:5

Naibaly mymy ly kado theu naimy pany hai pi nai deaungkho y nichi ly kado theu nai haiho molam y jei hyn naimy kaso theu u bo.

SAM 47:2

Tahm asang parai nai Areng ly ka-jei hawi parai; mymy ly khaileaung pri verei y peang nai, nang parai nai samrang ne.

SAM 50:14

Kawn nai leu thui nai naini Tameuh teng y nangchi i apathyp nai palawn u; huni bo y ati cheaungkhang sa thai nai keung teng y, nangchi vaineng adeu nai kamta so u.

SAM 68:12

“Samrangchi hawi nichi i tavaimichi ly anaw u pawn veng bo,” nanai satang ahei u ai; neampachychi ly mychi i yhm y, lawmra i nga nai vawnsaichi amji u ai.

SAM 68:35

Kachai meingtym i dengdairei ang jeu nai, Israela chengchi i Tameuh ly tahm khai naimy jei ai nai hawi parai na! Mymy ly mymy i khumichi ai sa thai naira hawi, ham naira pei nai ne. Tameuh ai ly palo u!

ISAIA 24:21

Kani khusang ai peang nai vawinamchi hawi khaileaung y peang nai samrangchi ai, Areng my pajeng nai neng tym ai.

Levi 23:38

Hini pawichi ly sa reng nai Anawn kanichi bo y py, sa ai nai pawichi ne. Hini katalamrachi ly nangchi my Areng teng talam reng nai, vaineng abeu nai molam y talam nai, paleung kangai talam nai bo y kapathypra talam naichi ne.)

ZEPHANIAH 3:6

Areng my, “Kai ly khumi cheaungkhangchi ai, kataphra be veng bo. Nichi i marychi ai kataphra pawn iy, mary apaichi, amtangrachi ai py phra seaungkhrang hai bo. Marychi ly khumi angso savai tlang iy, lamchi ra py aleaung ali nai by y, khumi leaungrei py by y leang bo.

JOSUA 5:1

Jordan tavo nidym mang y peang nai Amori samrangchi hawi Mrethe pangli peang jeungrei y peang nai Kanan samrang bawibawichi ly Israela chengchi Jordan tavo angpeang chum nai ryrei, Areng my tavo tui kang hai nai satang thai u bo. Hunai deaungkho y nichi ly Israela chengchi ai jei u i, paleung phra atho di u bo.

AMTENG HAI NAI 6:15

Naibaly khaileaung pri i samrangchi hawi, khumi kalenchi hawi, tavaimi luchi hawi, khumi kanangchi hawi, khumi atho kaawmchi hawi, miseaungchi hawi, miseaung ny y nai cheaungkhangchi ly tapiu y hawi, mawi pui lengseaung pui y py aheu u bo;