SAM 76:10 - Khumi Common Language Bible

¹⁰ Khumichi i kado theu nai ly nang ai palo tleaung palora naira lawn hai ai; tavai keung y dei y naimy heng rai naichi ly nang i pawi sa naichi typ u ai.

SAM 76:10 ပူးပေါင်းရင်းမြစ်များ

ATITI AWM ANGCHEI NAI 50:20

Nangchi my kai i tlang tleaung y hawi y nai sa u teu i py, Tameuh my vaini khumi bawibawichi heng thai ai nai ka-vo sa pi nai teu bo.

SAM 104:9

Khaileaung ai tui my um bi y ai nai, nang ly tuichi lem heu pajau y pa-rei, khujyh kamtleh khai pi bo.

SAM 12:6

Areng i adeu nai leuchi ly ym ai nai hawi; mai theung y tlen saryhrei patlawn chum nai tangka tangcheng kamta, ka-ym awm nai ne.

SAM 46:6

Khumi cheng cheaungkhangchi ly jei hyn u ai; Tameuh my leu pei nai khala y khaileaung ly tlawn vui nai ne.

SAM 65:7

Nang ly pangli tui amsau nai katyn hawi, tui sampyh katynchi rym hai bo; khumichi i khyh tukulu nai katynchi py anawn hai ai.

SAM 82:8

Aw Tameuh, jeu ly khaileaung pri ai peang ba; khumi cheng cheaungkhangchi ai nang ly peang nai ne.

THEU NAI 18:11

Areng ly Aikupta chengchi my Israela chengchi tlang tleaung y mei aniu y nai saichi sa nai molam y, Areng ly tameuhchi bawibawi tleaung y sa thai naira len, nanai vai kai pany bo,” napi.

ISAIA 11:4

Khumi kamawnchi ai leu meitang naimy tara chih pi iy, tahm anem naichi i nga ai avo naichi ama hai ai. Ni i pei nai leu haiho hawimy, khumi mipuichi ly pajeng naira avum u ai. Khumi hawi y naichi py dei u ai

MATTHAI 24:22

Naibaly huni neng ai ly dawi hai moh khyly khumi nanai kangheng ha py awm ai ny y; na i py vawi takhra naichi deaungkho y huni neng ai ly dawi hai ai.

JOHAN 19:22

Pilata my, “Kai i tajiu nai ly katajiu chum veng bo,” nanai pathang.

ROM AVANGCHI TENG Y PAWLA I CHA PA NAI 9:17

Naibaly Tameuh i cha-iu ly Pharao teng y, “Nangmy y ly kai i sa thai naira kapatei thai ai nai hawi, khaileaung pri verei y kai i amyn amthang hai thai ai nai py nang ai kang khai yb khyp bo,” napi.

AMTENG HAI NAI 11:18

Naibaly chengchi ly kado theu u i, nang i kado theu nai ly tym teang; naibaly kadeichi ai tara chih ai nai hawi, nang i miseaung amochi teng y hawi, khumi kachaichi teng y hawi, nang i amyn tahm khai nai khumi katheang kalenchi teng y py mychi i kawn nai vang pei ai nai hawi, khaileaung pri ai taphra nai keungchi ai taphra ali teang ai nai neng ly ang tym bo,” nanai Tameuh ai chiu bo.