SAM 75:7 - Khumi Common Language Bible

⁷ Tara chih nai keung ly Tameuh ne; mymy ly phyreichi ai kamngo pajeng iy, phyreichi ai law tleaung hai ai.

SAM 75:7 ပူးပေါင်းရင်းမြစ်များ

2 SAMUELA 5:2

Vaichi khala Sawla samrang lawm nai thym khala y, nang ly Israela cheng theaung bawibawichi ai lu sa iy, tavai thau nai ne. Areng my py ‘Nang ly kai i khumichi ai lu sa iy, nichi ai peang ai nai tla ai’ nanai nang ai leu ang pei bo,” napi u.

2 SAMUELA 6:21

Davida my, “Kai ai nang i ngampo hawi katu chanauchi ai katlen hai vui iy, Israela chengchi i lu lawm ai nai vawi takhra pi nai, Areng i nang parai nai ai palo nai ka-lam nai teu. Areng i tahm awm nai palo ai nai, mo mang py lam ai i,

SAM 147:6

Mymy ly tahm anem nai khumichi ai tahm pasang iy, khumi aso y naichi ai ly khaileaung y tym pa-rei atlym hai bo.

SAM 50:6

Tameuh mymy kypkyp ly tara chih keung ne i, ka-dyh ka-dawi naimy chih pi ai, nanai kani khusang my amthang hai bo.

SAM 58:11

Khumichi my, “Khumi kahawichi ly meitang khyp, kawn vang nga u bo; khaileaung pri ai tara chih nai keung Tameuh ly awm khypkhyp nai ne,” nanai thui u ai.

DANIELA 2:37

Samrang awi, nang ly samrang leilachi theung y len keh nai ne. Kani pri mang y awm nai Tameuh ly nang ai empara samrang lawm ai nai sa thai naira hawi phum-angchi kawi hai bo.

DANIELA 5:18

“Tahm asang parai nai Tameuh ly ngampo samrang Nebukhadnezar teng y peang nai sa thai naira hawi tahm asang parai nai samrang leaungrei lawm hai iy, tahm awm nai hawi phum-ang angym hai bo.

LUKA 1:52

Arengchi ai ly mychi i atehra i nai tasyh vui i, Cheng katheangchi ai ang pasang bo.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

ROM AVANGCHI TENG Y PAWLA I CHA PA NAI 11:15

Mymychi ai aphi vui nai malawn py khaileaung pri ai aly hai teang naira ne baly, mymychi ai kawn bi naira ly deira i nai heng bi naira ny y baly ati awm ai mo?

KALATIA 1:15

Na i py nei i taku theung i dengdairei kai ai ang takhra hai nai hawi, ni i pahen nai deaungkho y kai ai ang palau nai keung Tameuh my ly,

1 SAMUELA 15:23

Mymy ai tiu nai ly uimiu khawn nai kamta hawi y keh nai ne i, paleung len amlyh nai py, mynchi ai chiu nai kamta kamngo len. Nang ly Areng i leu pei nai tangai y nai deaungkho y, mymy ly nang ai samrang i nai pala vui bo,” napi.

1 SAMUELA 15:28

Samuela my ni teng y, “Areng ly vaini my Israela pri ai, nang teng i nai la vui iy nang tleaung y hawi keh nai khumi leaungrei i kiu y au veng bo.

1 SAMUELA 16:1

Areng my Samuela teng y, “Nang ly Sawla i vui y mana tanrei paleung si hai jo ai mo? Kaimy ni ai ly Israela samrang i nai kapala vui bo; na i py Olive asitui syn iy, Bethlehem mary y awm nai Jesai napi nai khumi leaungrei teng y chei; kai ly ni i chapo leaungrei ai, samrang lawm ai nai vawi takhra yb veng bo,” napi.