SAM 75:1 - Khumi Common Language Bible

¹ Kaichi ly nang i pahen nai ai palo u bo; aw Tameuh, kaichi ly nang i pahen nai ai palo u bo; nang ly mana tanrei tahm asang na mo, nanai amthang hai iy, nang i rengrang sa nai saichi ai py kathui pi u nai ne.

SAM 75:1 ပူးပေါင်းရင်းမြစ်များ

SAM 138:2

Kai ly nang i nang parai nai Achura yhm kachai mang y motha iy, lu meung naimy nang i khaw parai nai tamen naira hawi, ka-ym awm nai molam y, nang i amyn kang palo mang; ati mana nai mo nabaly, nang i amyn hawi adeu naichi ly tahm awm keh, nanai patei pi nai deaungkho y ne.

SAM 145:18

Nang ly nangmy ai paleung hawi verei palau nai hawi, chiu sa nai khumi bawibawichi sahawi y awm.

SAM 44:1

Aw Tameuh, jangni amsi pajochi deung y, nangmy sa pi nai leaungsaichi satang ai nichi my thui pi nai deaungkho y, kaimychi thai khyp bo.

SAM 50:1

Ati cheaungkhang sa thai nai Tameuh, napi nai Areng my leu pei bo. Mymy ly nisi mang dengdairei nidym mang y tym pa-rei, khaileaung pri verei y palau nai ne.

SAM 57:1

Kai ly nang teng y abyh ai nai ahihawi nai ne; hunai deaungkho y kai ai pahen kyh ba; aw Tameuh pahen kyh ba. Ali pui khu pui theu nai aham nai ryrei, kai ly nang i pakhi ka-khuira y abyh nai ne.

SAM 58:1

Nangchi peang nai keungchi awi, nangchi ly leu meitang naimy tara chih ai nai sa u a? Khumi bawibawichi ai leu meitang adyh adawi naimy tara chih u a?

SAM 76:1

Juda pri y ly Tameuh ai pany u bo; Israela pri y mymy i amyn ly nang parai nai ne.

THEU NAI 23:21

Ni ai tahm khai iy ni i leu tangai u. Ni ai kaimy pato nai ne i, ni ai tiu u moh; ni ly huna nai tiu nai ai ly pahen pi ai ny y.

JEREMIA 10:6

Aw Areng, nang ka-tawm Tameuh harei py by y. Nang ly ati cheaungkhang sa thai nai keung ne. Nang i amyn ly nang parai iy phum-ang kawi angym nai ne.

Leu Thui Nai 4:7

“Achi i Areng Tameuh ly achi kasabawmra ngai nai khala, achi i sahawi y awm. Hina nai Tameuh ai chiu nai khumi cheng kalen ly niu vai y.