SAM 74:20 - Khumi Common Language Bible

²⁰ Kaichi hawi nang hawi asa nai Leu Maikawm ai pany jo ba; pri theung i veng nai meingtym tleirei y, khrukhra naichi awm.

SAM 74:20 ပူးပေါင်းရင်းမြစ်များ

2 SAMUELA 23:5

Hunai kamta teang, Tameuh ly kai i katu chanauchi ai amtheaung naira pei ai; ati mana nai mo nabaly mymy ly phra pajau y, athli vui thai y nai deungtasa Leu Maikawm ly kai hawi asa nai deaungkho y ne. Hunaibaly kai i kangai angym bo; hini ly kai i eaung naira ne; huna nai kamta tym hai ai nai Tameuh ly dawn pi khyp ai.

SAM 105:8

Mymy ly mymy i Leu Maikawm ai deungtasa khaw hai ai; mymy i adeu naichi ai deung kangthau tym pa-rei awm hai ai.

SAM 106:45

Mymy ly nichi hawi ai nai molam y Leu Maikawm pany pi bo; ati mana nai mo nabaly mymy i tamen naira len parai nai deaungkho y, kado theu nai ly rym nai ne.

SAM 5:8

Aw Areng, kai i paleung ka-echi ly khri pa-rei nawi parai! Nang i kangai sa ai nai kai ai lam patei pi kyh ba. Nangmy kai ai tako hai ai ngai nai lam ly thleaungthlang hai kyh ba.

SAM 89:28

Kai ly ni i tlang tleaung y adeu nai leu ly khaw hai jojo ai; kai ly ni hawi asa nai Leu Maikawm ai khaw hai ai.

SAM 89:39

Nang i miseaung hawi asa nai Leu Maikawm ly taphra vui bo; ni i samrang lukhym py, khaileaung y pala vui bo.

JEREMIA 14:21

Nang i leu adeu naichi pany pi jo kyh ly khensi-me moh kyh ba. Nang i nang parai nai sai apu nai areng atehra, napi nai Jerusalem mary ai tahm panem moh kyh ba. Nang ly kaichi hawi asa nai Leu Maikawm ai taphra moh kyh ba.

Leu Thui Nai 12:31

Nichi i tameuhchi ai chiu nai leaungsaichi amtiu u moh. Huni khumichi ly mychi i tameuhchi ai chiu naira y Areng i niu ngai y nai amso ngai naichi sa nai deaungkho y, nangchi i Areng Tameuh ai chiu nai khala nichi i kamta chiu u moh. Huni khumichi ly mymychi i cho chanauchi ai malawn py, maicham tleaung y leng patlum u nai ne.

Leu Thui Nai 9:27

Nang i Abraham, Isaka hawi Jakobchi ai pany pi iy, hini khumichi i paleung tang nai, khumi aso y nai, kamngo naichi ai pahen pi kyh ba.

HEBRAI 8:10

Ati mana nai mo nabaly huni neng bo y ly Kai ly Israelachi dengtheung teng y leu maikawm khai nai ly hini ne he, nanai Areng my napi: Mymychi dawn naira y kai i leu pei naichi kapachei iy Nichi i paleung y py katajiu teang ai; Naibaly kai ly nichi i vui y Tameuh kalawn ai i, Nichi ly kaimy i vui y kai i khumichi lawn ai;