SAM 74:15 - Khumi Common Language Bible

¹⁵ Nang ly tavo tui hawi micheaung tui theu hai iy, tavo kalenchi ai kang hai bo.

SAM 74:15 ပူးပေါင်းရင်းမြစ်များ

2 ARENG KEH 2:14

Ni ly tavo peang y angdo iy Elija i ateaung hawi tui y pakhau. Na i py tui ly akhawi y. Elisa ly “Elija i Tameuh napi nai Areng ly ma mang y mo?” nanai aeu iy tui y pakhau bi. Huna nai khala tui ly akhawi i, ni ly tavo vai mang y tako jo nai ne.

2 ARENG KEH 2:8

Naibaly Elija ly my i ateaung aleng iy taeang i, tui y pakhau bo. Huna nai khala tui ly akhawi vui i, nini leaung nyhrei ly khaileaung kaphui salo y tako iy, tavo vai mang y ang peang hawi nai ne.

SAM 105:41

Mymy ly lengseaung khawi nai khala, tui achawn hai i, khutaha daichi ka-vym y tavo kamta leaung bo.

SAM 114:3

Pangli kamsen ly niu i, angpreng veng bo; Jordan tavo ly leaung y naimy anawn veng bo.

SAM 78:15

Nang ly daichi ka-vym y lengseaung ai khawi i, thiu parai naira i tui ly nichi ai panei bo.

ISAIA 11:16

Aikupta pri dengdairei Israela chengchi theu u nai thym khala i kamta, Asuria pri y awm rai nai, mymy i khumichi theu u ai nai i vui y, lam manglai pui harei lawm hai ai.

ISAIA 44:27

Kai ly leu pei iy suida pangli ai py tui kang hai bo.

ISAIA 48:21

Areng ly mymy i khumichi ai, bi parai iy tui by y nai daichi ka-vymra y pahawi prei nai khala, nichi ly tui ahai u y. Mymy ly nichi i vui lengseaung dengdairei, tui theu hai bo. Lengseaung ako hai nai deaungkho y, tui leaung nai ne.

HABAKKUK 3:9

Nang ly nangmy i thailiho py, ko ai nai thailiho chyn py, angveirym bo. Nang i amlosadi ly khaileaung ako hai bo.

Kati Nai 20:11

cheaungvawi pheu iy lengseaung pui ai tlen nyhrei pakhau bo, naibaly lengseaung pui mang tui achawn thlauthlo na i, khumichi hawi tawnbawichi ly nei ai nai nga u bo.

JOSUA 2:10

Nangchi Aikupta pri i dengdairei theu u nai khala, Areng ly nangchi tako u nai mo y pangli kamsen tui kang hai vui nai satang kaichi thau u nai ne. Jordan tavo nisi mang y peang nai Amori samrang leaung nyhrei, Sihon hawi Oka ai nangchi my mana padei u mo, nanai satang py kaichi thai.

AMTENG HAI NAI 16:12

Hunaibaly tariu i nai ly mymy i khau i nai Euphratis jangpang y leu bo; hunaibaly nisi mang i dengdairei jeu nai samrangchi i vui y lam sa rym ai nai huni i tui ly kang veng bo.