SAM 74:11 - Khumi Common Language Bible

¹¹ Ati mana nai y nang ly kaichi ai sabawm ai nai akhi lawh mo? Ati mana nai y nang i kiu ly nithun mang y, atakawi me vui lawh mo?

SAM 74:11 ပူးပေါင်းရင်းမြစ်များ

SAM 44:23

Aw Areng, anglaw ly ang thau ba! Nang ly ati mana nai y i pi vui lawh mo? Angthau ba! Kaichi ai deungtasarei khai su moh kyh ba!

ISAIA 64:12

Aw Areng, nang ly hinichi molam y paleung no-ei y nai sai a? Nang ly awmnem iy kaichi ai, kaimychi kham pajau nai tleaung y, ngari kamtang tym hai ra ai a?

TANGAM NAI LEU 2:3

Mymy ly khri pa-rei kado theu nai deaungkho y, Israela chengchi i atho taphra vui bo. Mymy ly paleung ka-echi tym nai thym khala, achi ai ang sabawm ai nai akhi vui. Mymy ly mai kamta angveaung naimy, ati cheaungkhang ai kang hai bo.

1 SAMUELA 4:3

Dei y nai tavaimichi ly tai nai meingtym y tym u teang nai khala, Israela lu sa nai keungchi my, “Areng ly ati mana nai deaungkho y, vaini achi ai Philistia chengchi teng y sum hai lawh mo? Achi ly Siloh mary y awm nai Areng i Leu Maikawm Pawm lo u sina; naibaly mymy ly achi hawi vanrei chei ai i, paleung ka-echi teng i nai achi ai atleu ai,” nanai thui u bo.