SAM 74:1 - Khumi Common Language Bible

¹ Aw Tameuh, nang ly ati mana nai y kaichi ai, hina nai kamta khai su lawh mo? Nang ly nangmy i khumichi ai avawrei kado theu hai jojo ai bo a?

SAM 74:1 ပူးပေါင်းရင်းမြစ်များ

2 ARENG KEH 21:14

Dei kamthum khumichi ai kaimy khai su iy, paleung ka-echi teng y au ai. Paleung ka-echi ly nichi ai tiu iy, nichi i vawnsaichi lawm pi pawn ai.

SAM 10:1

Aw Areng, nang ly ati mana nai kamlo y awm vui lawh mo? Kaichi patang naira vum nai thym khala, ati mana nai y meimai hi pi vui lawh mo?

SAM 100:3

Areng ly Tameuh ne, nanai pany u. Mymy ly achi ai sa iy, achi ly mymy i ne. Achi ly mymy i khumichi ne; mymy kry nai beram kanghuchi ne.

SAM 18:8

Mymy i notareang theung i dengdairei maikhyhchi py, labeaung mang dengdairei kang hai thai nai mai kadeu hawi mai-aichi py theu nai ne.

SAM 42:11

Kai ly ati mana nai y hina tanrei paleung atho di ai mo? Ati mana nai y paleung bi paleung mawn ai mo? Kai ly Tameuh ai athang khai ai; kai i atleu keung, kai i Tameuh ai kapalo bi ai.

SAM 42:9

“Nang ly ati mana nai kai ai tami vui lawh mo? Ati mana nai kai ly paleung ka-echi i, pahyp y naimy ana nai avum lawh mo?,” nanai kai ai ama hai nai keung Tameuh teng y katakeng bo.

SAM 44:9

Na i py vai ly nangmy kaichi ai khai su iy sum hai bo. kaichi i tavaimi kamkawmchi hawi vanrei, tavai thau hai y bo.

SAM 50:1

Ati cheaungkhang sa thai nai Tameuh, napi nai Areng my leu pei bo. Mymy ly nisi mang dengdairei nidym mang y tym pa-rei, khaileaung pri verei y palau nai ne.

SAM 60:1

Aw Tameuh, nang ly kaichi ai khai su iy sum hai; nang ly kaichi ai kado theu hai bo. Na i py vai, kaichi teng y jeu ali teang ba.

SAM 60:10

Nang ly kaichi ai khai su tatang nai bo a? Kaichi i tavaimichi hawi vanrei, tavai thau y naimy awm ai bo a?

SAM 77:7

“Areng ly achi ai khai su jojo ai bo a? Mymy ly achi ai mana khala py, kawn ali teang y ai bo a?

SAM 77:8

Mymy ly achi ai tamen y ai bo a? Mymy i adeu nai py phra veng lawh bo a?

SAM 78:1

Kai i khumichi awi, kai i patiu nai leu tangai u; kai i thui nai leu ai kano patheung u.

SAM 79:13

Huna nai khala y beram kanghu napi nai nang i khumi kaichi ly kawn naimy avawrei kang palo jojo ai; katu chanau deungrei kang palo u jojo ai.

SAM 79:5

Aw Areng, nang ly kaichi ai kado theu naimy awm jojo ai bo a? Nang i kado theu nai ly rym y naimy, mai kamta angveaung jojo ai bo a?

SAM 80:5

Nang ly kaichi ai paleung si naira napi nai teicha teinei pacho iy, meikatui napi nai tui ly khau kalen pui hawi panei bo.

SAM 85:6

Kaichi ai atho kangtha pei kyh ba; hunaibaly nang i khumi lawm nai kaichi ly nang ai kang palo u ai.

SAM 95:7

Mymy ly achi i Tameuh ne; achi ly mymy i kry nai khumichi, mymy pacho panei nai beram kanghuchi ne. Mymy i leu pei nai ai, vaini tangai u sina:

THEU NAI 32:11

Na i py Mosi ly my i Areng Tameuh teng y khri pa-rei ahui naimy takeng nai ly “Aw Areng, nang ly Aikupta pri i dengdairei sa thai naira len parai nai hawi atleu pi nai, nang i khumichi ai khri pa-rei kado theu hai lawh ai bo a?

ISAIA 64:8

Na i py aw Areng, nang ly kaichi i ampo ne. Kaichi ly khaileaung laikan hawi atawm iy, nang ly laawm beu nai keung hawi atawm. Nang ly kaichi ai sa nai keung ne nai deaungkho y,

JEREMIA 23:1

Mymy i khumichi ai taphra iy ahei hai phro nai peang nai keungchi i tlang tleaung Areng my khai yb nai tara chih naira ly mana tanrei jei ai hawi na mo ly!

JEREMIA 31:37

Khumichi ly kani khusang ai saju angka pata pajau iy khaileaung i sangum langdeng ai hau nai niu khala naini, mymy ly Israela khumichi ai nichi i sa nai kamngochi molam y kaimy khai su ai. Hini ly kai, Areng i thui nai leu ne.

TANGAM NAI LEU 5:22

Ti y baly nang ly kaichi ai deungtasarei, khai su ai bo a? Nang i kado theu nai rym nai neng by y bo a?

Ezekiela 34:31

“Kai i beramchi, kai i pacho panei nai beram kanghuchi, nangchi ly kai i khumichi ne iy, kai ly nangchi i Tameuh ne,” nanai sa thai naira angym nai kai, Areng my leu pei nai ne.

Ezekiela 34:8

Kai ly Tameuh kangheng ne nai deaungkho y nangchi ly kai i leu tangai u. Beram typ nai keung by y nai deaungkho y, kai i beramchi ai mawi kasichi my kei iy cha u bo. Kai i beram typ nai keungchi ly beramchi hau u y; nichi ly mymychi ai naini akry iy, beramchi ai ly kry u y.

LUKA 12:32

Kamkawm di naichi awi, jei u moh; Ngampo my ka-peang ang pei nai ly khri pa-rei ang kawn.

Leu Thui Nai 29:20

Areng ly huna nai sa nai khumi ai kamngo pahen ai ny y. Areng ly huni khumi ai khri pa-rei kado theu hai nai deaungkho y, ni ly hini cha-iu theung y tajiu nai ka-jeira bawibawi avum hai iy phra hai ai.