SAM 73:12 - Khumi Common Language Bible

¹² Huni ly khumi hawi y naichi i sa nai sai ne; na i py nichi ly nang tleaung nangra bo.

SAM 73:12 ပူးပေါင်းရင်းမြစ်များ

SAM 17:14

Vai, heng nai deung y ngai nai kamta angym nai khumichi kiu i nai kai ai atleu kyh ba. Nichi i vui y nangmy pateung pi achu nai ngari kamtang hawimy, nichi ai pajeng kyh ba. Huni ngari kamtangchi ai nichi i cho chanauchi teng khyh chang y naimy, nichi i katu chanauchi ai py avum hai ba.

SAM 37:35

Kai ly kamjau kamteang sa reng nai khumi hawi y nai leaungrei ai niu vai bo. Ni ly Lebanon daichi i saitleang keung kamta, khumi bawibawichi salo y khiu nai ne.

SAM 49:6

Nichi ly mychi i yhmtheaung katui ai a-ym nai khumichi, nang chawn naira y amlyh nai khumichi ne.

SAM 52:7

“Amy i chymme ai nai i vui y Tameuh ai ym ai nai tleaung y ly amy i nang chawn naira ai a-ym nai khumi ai khen u; ni ly my i hawi y naira molam y, amy i chymme naira hau nai khumi ne,” nanai thui u ai.

SAM 62:10

Khrukhra naira ai a-ym u moh; lawm nai kalop hawi ly hawi naira nga ai, nanai athang khai u moh; nangchi i yhmtheaung katuichi ly peung hai teu i py, hunichi ai a-ym u moh.

JEREMIA 5:17

Nichi ly nangchi i thengthaichi hawi teicha teineichi cha nei iy, nangchi i cho chanauchi ai tleh u ai. Nichi ly nangchi i beram kanghu hawi si kanghuchi cha u ai. Nangchi i kreip keungchi hawi thaidu keungchi taphra pawn ai. Nichi i tavaimi kamkawm ly nangchi i a-ym nai amtangra mary kakhawchi taphra pi pawn ai.”

JEREMIA 5:28

Bym pa-rei cha ai nai nga iy veung py hawi u bo. Nichi ly hawi y naichi ai tem-ma by y pa-rei sa u nai ne. Nuro nukaichochi ai nichi i nga ai avo nai phychi py pei pi y. Pahyp y naimy ana naira avum naichi ai py, adyh adawi hai y.

LUKA 16:19

“Naibaly khumi kanang ami mo leaungrei awm: mymy ly kanih kamsen jeaung hawi, kanih mai ka-syn akhiu i, kani tleirei tlamsa jojo.