SAM 73:1 - Khumi Common Language Bible

¹ Tameuh ly paleung chai nai khumichi napi nai Israela chengchi ai meitang khyp, hawi hai nai ne.

SAM 73:1 ပူးပေါင်းရင်းမြစ်များ

1 NENG SATANG 15:17

Nichi ly kheupaja sa-ra thip ai nai, khulym sara nupaichi theung i Joela i chapo Heman hawi, ni i amjo amnau Berekhia i chapo Asap hawi, Merari nupaichi theung i Kushaia i chapo Ethan ai vawi takhra u. Nichi ai sabawm ai nai taro raawi ka-sang beu ai nai Zekhariah, Jaziela, Shemiramot, Jehiela, Unni, Eliaba, Maseija hawi Benaia napi nai Levi theaungchi ai vawi takhra u bo. Raawi ka-nem tarochi beu ai nai Matithia, Eliphelehu, Mineia, Azazia hawi Achura yhm tamcheaung Obed Edom hawi Jehielachi ai vawi takhra u bo.

1 NENG SATANG 16:37

Samrang Davida ly Asap hawi my i ahawi Levi theaungchi ai Leu Maikawm Pawm awm nai meingtym ra y, chiu sa nai molam y kalop pei nai ne. Nichi ly kani tleirei mymychi i kalopchi sa u.

1 NENG SATANG 16:7

Hini ly Areng ai palo iy khulym thui ai nai Asap hawi mymy i ahawi Levi theaungchi ai, samrang Davida my kalop pei angchei nai ne.

1 NENG SATANG 6:39

Pa-nyh i khulym kamkawm lu sa nai keung ly Asap ne. Ni i dengtheung kangpreangchi ai patawm baly Levi teng y tem nai ne. Hunichi ly Asap, Berekhia, Shimea,

2 NENG SATANG 29:30

Samrang Hezekia hawi mipuichi ai lu sa naichi ly Levi theaungchi ai Davida hawi amo Asap nini my tajiu pi yb nai palo nai khulymchi thui hai nai ne. Hunai deaungkho y nichi ly amo theu parai naimy khulym thui u iy, kheukhu di naimy Tameuh ai chiu u bo.

SAM 2:6

Mymy ly “Tahm asang parai nai kai i Zion mawi salo y, kaimy vawi takhra nai samrang ai kaimy kapalyn bo,” napi.

SAM 24:4

Kaja hawi iy paleung chai naimy tameuh takhrachi ai chiu y nai khumichi, tapawp y, adeu nai vaineng taphra vai y nai khumichi ne.

SAM 42:11

Kai ly ati mana nai y hina tanrei paleung atho di ai mo? Ati mana nai y paleung bi paleung mawn ai mo? Kai ly Tameuh ai athang khai ai; kai i atleu keung, kai i Tameuh ai kapalo bi ai.

SAM 50:1

Ati cheaungkhang sa thai nai Tameuh, napi nai Areng my leu pei bo. Mymy ly nisi mang dengdairei nidym mang y tym pa-rei, khaileaung pri verei y palau nai ne.

SAM 51:10

Aw Tameuh, kai i paleung theung y chai pyn ai nai so pi kyh ba; khaw parai nai paleung ka-dawn kangtha palum pi kyh ba.

SAM 73:18

Nang ly nichi ai athei reng nai meingtym y athei hai iy myh kang hai ai.

SAM 83:1

Aw Tameuh, tyn teng y naimy awm pi vui moh ba; awmnem pi vui moh ba, amkyn pi vui moh ba!

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

JEREMIA 4:14

Aw Jerusalem mary, nang ly tlamsa naira nga ai nai nangmy i paleung kamngo apachai ba. Nang ly hawi y nai katauchi dawn veangveang rai a?

MATTHAI 5:8

“Paleung y chai naichi ly taham hawi: nichi ly Tameuh ai niu ai.

LUKA 12:32

Kamkawm di naichi awi, jei u moh; Ngampo my ka-peang ang pei nai ly khri pa-rei ang kawn.

JOHAN 1:47

Isu ly Nathanaela ni teng y jeu ai tau nai niu i, “Khen cham, Israela khumi meitang, tapawp nai paleung den py by y nai ho,” nanai ni i satang thui pi.

ROM AVANGCHI TENG Y PAWLA I CHA PA NAI 4:16

Hunaibaly kangpreangchi bawibawi ly leu adeu nai ly nga u tanga ai nai, huni adeu nai ly pahenra y ne thai ai nai ym naira deaungkho y ne chy bo; Reita y awm nai kangpreang my tlairei khyh ny y, Abraham i ym naira kamta ym naira nga nai kangpreang py nga teang ai.

TITA 3:5

achi i atiti kahawi sa nai deaungkho y ny y naimy, kangtha sa palai bi naira paju nai hawi, Phailo Kachai i kangtha sa palai bi veangveang nai deaungkho y mymy i pahen nai kamta khyp naimy ang paheng nai bo.

JAKOB 4:8

Tameuh hawi kasa u, hunaibaly ni py ang kasa ai mang. Khumi kamngochi awi, nangchi i kiu ly asi u pan; atiti sa nai bawibawira y so tangei chei y naichi awi, nangchi i paleung apachai u.