SAM 72:18 - Khumi Common Language Bible

¹⁸ Israela chengchi i Tameuh napi nai Areng ai ly palo u! Mymy naini hina nai lyh ai hawi parai naichi sa nai ne.

SAM 72:18 ပူးပေါင်းရင်းမြစ်များ

1 NENG SATANG 29:10

Davida ly huni meingtym y awm nai khumi mipuichi i mo y Areng ai palo. Samrang my, “Kaichi i amsi pajo Jakob i Areng Tameuh, nang teng y ly deungtasarei palo nai awm sy!

1 NENG SATANG 29:20

Hunaibaly Davida ly khumichi teng y, “Nangchi i Areng Tameuh ai palo u!,” nanai leu pei bo. Huna nai khala khumi mipuichi ly mymychi amsi pajochi i Tameuh napi nai Areng ai palo u. Nichi ly Areng i mo y hawi, mymychi i samrang mo y lu meung u nai ne.

JOBA 5:9

Kaichi ly mymy i sa nai nang parai nai saichi pany pajau y. Mymy i lyh ai awm parai nai saichi ly kati pajau y leang.

JOBA 9:10

Achi ly mymy i sa nai, nang parai nairachi ai pany thai y. Mymy i rengrang ka-ma-rachi ly kati pajau y.

SAM 106:48

Israela chengchi i Areng Tameuh ai ly palo u! mymy ai ly vai i dengdai deungtasa khrairei palo u! Khumi bawibawichi ly “Amen,” nanai thui u sy! Areng ai palo u!

SAM 136:4

Mymy leaungrei naini rengrang ka-ma-rachi patei pi; mymy i tamen nai ly deungtasarei ne.

SAM 41:13

Israela chengchi i Tameuh ne nai Areng ai ly palo u! Mymy ai vai i dengdai, deungtasa khrairei palo u! Amen! Amen!

SAM 68:35

Kachai meingtym i dengdairei ang jeu nai, Israela chengchi i Tameuh ly tahm khai naimy jei ai nai hawi parai na! Mymy ly mymy i khumichi ai sa thai naira hawi, ham naira pei nai ne. Tameuh ai ly palo u!

SAM 77:14

Nang ly rengrang ka-ma-rachi sa pi nai Tameuh ne; nang ly nangmy i sa thai nairachi ai khumi cheng cheaungkhangchi teng y patei pi bo.

SAM 77:15

Nangmy i khumi napi nai Jakob hawi Josepha cheng theaungchi ai sa thai naira hawi atleu bo.

SAM 86:10

Nang ly sa thai naira phum-ang len parai i, lyh ai nairachi sa pi bo; nang leaungrei naini Tameuh ne.

SAM 98:1

Areng ai ly khulym kangtha thui naimy palo u; mymy ly lyh ai hawi nairachi sa. Mymy ly mymy i sa thai naira hawi, atho haiho hawi py eaung naira nga nai ne.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?