SAM 72:14 - Khumi Common Language Bible

¹⁴ Nichi i hengra ly samrang i mo y vang teng nai molam, ana naira hawi khrukhra nairachi ra i nai, nichi ai atleu bo.

SAM 72:14 ပူးပေါင်းရင်းမြစ်များ

ATITI AWM ANGCHEI NAI 48:16

Kai ai vaini khrairei ang typ nai keung Tameuh, rai naira cheaungkhang i nai kai ai atleu nai keung Angel my nini ai amtheaung hai sy! Nichi ly kai i amyn hawi, amsi Abraham, kai i ampo Isaka nini i amyn khaw hai jo sy! Nini ly chanau neangneang sa iy, kangpreang neangneang peung u sy,” napi.

2 SAMUELA 23:17

“Aw Areng, kai ly mana mo i py hini tui nei pajau y leang! mychi i tlang areu naimy tui deu naichi i thi kanei nai hawi atawm ai!” napi. Hunai deaungkho y nei y bo. Hini ly amyn amthang nai sorai risa leaung thomreichi i sa vam nai saichi ne.

2 SAMUELA 4:9

Davida my, “Kai ai ka-jeira cheaungkhang i nai atleu pi nai, heng nai keung Areng i amyn y kai vaineng abeu bo!

SAM 116:15

Areng i khumichi theung y leaungrei dei vui baly, mymy i vui sum naira khri pa-rei len na!

SAM 130:8

Mymy ly mymy i khumichi napi nai Israela ai kamngo bawibawira i nai atleu pi ai.

SAM 25:22

Aw Tameuh, nang i khumi Israelachi ai ngari kamtang bawibawira i nai atleu pi kyh ba.

SAM 69:18

Jeu iy kai ai atleu kyh ba; paleung ka-echi kiu i nai atleu pi kyh ba.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

AMTENG HAI NAI 17:6

Naibaly huni neampachy ly khumi kachaichi i thi hawi, Isu deaungkho y dei naichi i thi y pavui nai kaniu. Naibaly kai ly ni ai niu makho makha baly rengrang tlai napi i, khra pa-rei lyh na.

AMTENG HAI NAI 19:2

mymy i tara chih nai ngierei ly teng py teng, hawi py hawi; mymy ly neampchy kamleaung keh nai, ni i angai naira deaungkho y khaileaung pri ai kalu piupa nai keung ai ly tara chih iy, ni i kiu y mymy i miseaungchi i thi kavui y vawitheung tha pi bo,” napi nai kathai.

1 SAMUELA 26:21

Sawla my, “Kai tamang bo, kai i chapo Davida awi! kai teng y vawi teang jau ba; nang ly vai vum kai ai padei y nai deaungkho y, kai ly nang ai mo mang y mana khala py, ka-jeira so y leang bo. Kai ly khumi ka-khum lawm lawh! khri pa-rei hawi y nai kalop ai kasa lawh bo ly!,” nanai pathang.