SAM 72:12 - Khumi Common Language Bible

¹² Samrang ly my teng y aeu u nai khumi kamawnchi ai py, patang palai iy jeaungmang nai khumichi ai py atleu bo.

SAM 72:12 ပူးပေါင်းရင်းမြစ်များ

2 SAMUELA 14:16

Samrang ly kai i chapo ai padei iy, my i khumichi ai Tameuh my pei nai pri i dengdairei patheu vui ai nai atho sa nai khumichi kiu i nai, kai ai atleu pi ai, nanai kai ly dawn nai ne.

JOBA 29:12

Khumi kamawnchi, jeaungmang nai nuro nukai chochi vo hang nai khala, kai ly kasabawm nai ne.

JOBA 36:15

Na i py Tameuh ly khumichi ai no patang nai hawi parip iy, ngari kamtang hawi nichi i mei angvang hai bo.

SAM 10:17

Aw Areng, nang ly paleung apanem nai khumichi i chiu sa nai tangai pi iy, nichi teng y sorai paleung pei ai.

SAM 102:17

Mymy ly mymy i khai su nai khumichi i hnei takeng nai thai iy, nichi i hnei takeng nai tangai pi ai.

SAM 102:20

Areng ly salo ka-sang meingtym kachai mang dengdairei khen kathiu bo; mymy ly kani pri mang dengdairei meung iy, khaileaung y khen patawm nai ne.

SAM 55:17

Kai i tangam nai raawichi ly khawn, kanithun, vum, huni nengchi khala mymy teng y tym i, mymy ly ang tangai pi ai.

SAM 72:4

Samrang ly khumi kamawnchi ai adyh adawi naimy tara chih pi sy; khumi kamawnchi ai sabawm pi sy; ana pumpi nai khumichi ai pasum pi sy.

LEU KACHENG 29:7

Khumi kahawi ly khumi kamawnchi i nga ai avo naichi pany pi thai. Na i py khumi hawi y naichi ly huni amjychi pany thai y leang.

Parip nai leu 4:1

Naibaly kai ly hini khaileaung pri i adyh adawi y nai sai kakhen lawh bo. Ana patang naira avum nai khumichi ly vo u; nichi ai sabawm ai nai khumi leaungrei py by y. Ati mana nai mo nabaly nichi ai ana nai khumichi ly sa thai naira awm nai deaungkho y ne.

ISAIA 41:17

Kai i khumichi tui ngai nai hau nai khala py, nichi tui kanghai tao phui nai khala py, kai, Areng ly nichi i hnei takeng nai pathang pi ai. Israela chengchi i Tameuh, napi nai kai ly nichi ai mana khala py khai su ai ny y.

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,

LUKA 7:22

Naibaly mymy ly nini teng y, “Tako hawi ali teang ly, nangni i atiti niu nai hawi thai nai ly Johan teng y thui pi; mei kamjuchi py mei angvang u bo, kheu kangbaichi py tako u bo, keaungsichi ai py pachai bo, kano kapangchi py kano ha ali u bo, kadeichi ai py pathau bo, khumi kamawnchi teng y py Satang Kahawi thui pi bo.

II KORINTH 8:9

Nangchi ly achi i Areng Isu Krista i pahenra ly pany u bo, mymy kamawn nai deaungkho y nangchi ly nang thai ai nai, mymy nang iy py nangmychi kypkyp deaungkho y mymy i kamawn lawn nai ly pany u bo.

HEBRAI 7:25

Hunaibaly mymychi ai chiu sa pi ai nai mymy ly deungtasarei heng jojo nai deaungkho y mymy i saho y Tameuh teng y jeu naichi ai ly angym pa-rei ang paheng pajau.

1 SAMUELA 22:2

Ana patang naira avum nai khumichi, kalai awm nai khumichi hawi paleung no-ei nai khumichi ly ni teng y chei u bo; nichi bawibawi ly leaung chungvai palyhrei tahm awm. Davida ly nichi i lu lawm bo.