SAM 72:10 - Khumi Common Language Bible

¹⁰ Spain pri hawi tlawnchira i samrangchi ly kahm pei u ai; Arabia pri hawi Ethiopia pri i samrangchi ly langseaungchi syn u ai.

SAM 72:10 ပူးပေါင်းရင်းမြစ်များ

ATITI AWM ANGCHEI NAI 10:7

kusha i kangpreangchi ly Seba khumi, Havila khumi, Sabta khumi, Raama khumi hawi Sabteka khumichi ne. Raama i kangpreangchi ly Seba, Dedan i khumichi ne.

1 ARENG KEH 10:1

Sheba pri i samrangnu ly Solomon i amyn amthang nai sai thai i, rai parai nai leuchi hawi samrang ai cham ai nai Jerusalem mary y jeu bo.

1 ARENG KEH 10:10

Hunaibaly Sheba samrangnu ly samrang Solomon teng y muku kaji sie 7375 virei, rimui neangneangchi hawi vang kateng lengseaungchi py talam pi nai ne. Solomon i nga reng nai rimuichi tleaung y, Sheba samrangnu i pei nai rimuichi ly nawi keh nai ne.

1 ARENG KEH 10:2

Samrangnu ly mui katui cheaungkhangchi, vang kateng lengseaungchi hawi muku neangneangchi kula-iuchi tleaung y tang iy tym. Ni ly samrang i mo y tym nai khala y, my i adawn yb nai leusaichi deng bo.

1 ARENG KEH 10:25

Saneng tleirei jeu u nai khumi bawibawichi ly muku ateaung, baichu ateaung, tavai ateaung, rimui cheaungkhang, keaungngo hawi keaungngo kano kasauchi langseaung talam u nai ne.

2 NENG SATANG 9:21

Ni teng y samrang Hiram i sampho kamkawm hawi vanrei, pangli y chei nai samphochi awm. Ni i samphochi ly muku, tangka, kasai nuh, khumi tavym hawi kalaichi tang iy, saneng thomrei y tlenrei vawi teang nai ne.

ESTHER 10:1

Samrang Ahasuru ly mymy i empara pri pangli peangchira y awm nai khumichi hawi, pri ka-peang theung mang y awm nai khumichi ai kalop ramchi sa hai bo.

SAM 45:12

Turu pri khumichi ly nang teng y langseaungchi syn pi ai. Nang chawn nai khumichi ly nang teng i meimai nga ai nai atho sa u ai.

SAM 68:29

Jerusalem mary Achura yhm i nai, kaichi i vui teaung ai nai sa thai naira patei pi kyh ba.

SAM 68:30

Samji theung i daichi mawi kasi, napi nai Aikupta pri ai parip kyh ba. Si katai beaungjeaungchi hawi, nithun mang abang nai si nu tanglochi, napi nai khumi chengchi ly nang teng y lu meung iy langseaung talam nai pa-rei nichi ai parip ba. Tavai atiu ai ngai nai khumichi ai ahei hai ba.

ISAIA 42:10

Khulym kangtha thui iy, Areng i nang parai nai ai palo u. Khaileaung pri i khumi bawibawichi awi! mymy ai palo nai khulym thui u. Pangli y amki naichi awi, mymy ai palo u! Kamlo prichi hawi hunichira y awm nai khumi bawibawichi awi, khulym thui u!

ISAIA 42:4

Ni ly paleung phra atho di ai ny y. Khaileaung pri y ka-dyh ka-dawi naimy peang nai ly khaw jojo ai. Kamlo prichi py ni i parip nai ai, paleung apei parai naimy ajeng u ai,” napi.

ISAIA 43:3

Ati mana nai mo nabaly, kai ly Israela chengchi i chai parai nai Tameuh, nangchi ai atleu nai keung, nangchi i Areng Tameuh ne nai deaungkho y ne. Kai ly nangchi miseaungra i nai alaw naira nga u ai nai Aikupta pri khai su ai. Ethiopia pri hawi Seba pri ai, kaimy khai su ai.

ISAIA 43:6

Nichi theu u ai nai tosyh mang py, nichi ai paka y ai nai tokalawi mang py, kaimy thuipi ai. Khaileaung pri meingtym tleirei y awm nai pri kamlora i, kai i khumichi vawi u ali teang ai.

ISAIA 49:7

Khumi cheng cheaungkhangchi my niu ngai y nai khri pa-rei avum iy, samrang hawi y naichi i miseaung teng y, Israela chengchi i chai parai nai Tameuh, atleu keung my, “Pri peang nai samrangchi ly nang ai law tleaung hai iy tahm ang khai u ai. Samrang i chapochi my py nang ai niu iy, tahm khai nai lu meung u ai.” Ati mana nai mo nabaly ka-ym awm nai Areng napi nai Israela chengchi i chai parai nai Tameuh ly nang ai vawi takhra nai deaungkho y ne,” napi.

ISAIA 60:3

Khumi cheng cheaungkhangchi ly nang i kangvang awm naira mang py, samrangchi ly nang i khawn kani si ko nai sangso mang py ang jeu u ai.

ISAIA 60:6

Vawn tang nai kula-iu kanghu puichi ly Midian pri hawi Epha pri dengdairei ang tym iy, nang i meingtym y kawi na ai. Seba pri i muku hawi mui katuichi ang syn u ai. Khumichi ly Tameuh i sa nai sai satang kahawi ai palo u ai!

ISAIA 60:9

Huni samphochi ly pri kamlo mang i dengdairei, Tameuh i khumichi ai, mychi pri mang y tang nai samphochi ne. Hunichi ly Israela chengchi i chai parai nai Tameuh ai palo ai nai muku hawi tangkachi syn u. Mymy ly mymy i khumichi ai tahm pasang nai ne.

MATTHAI 2:11

Naibaly nichi ly angtheung y kun u iy amhm Mari teng y deaungdicho ai niu, naibaly ambeu iy mymy ai chiu bo: naibaly mymychi i yhmtheaung khai naira paeaung u i, mymy teng y muku, kathan, mura talam iy pei u bo.