SAM 71:22 - Khumi Common Language Bible

²² Kai ly meitang khyp, nang ai taro beu naimy kang palo ai; aw kai i Tameuh, kai ly nang i ka-ym awm nai sai ai palo ai. Israela chengchi i nang parai nai keung ne nai nang ai taro beu iy khulymchi hawi palo ai.

SAM 71:22 ပူးပေါင်းရင်းမြစ်များ

2 ARENG KEH 19:22

Nang ly ami ai thui tamawn nai mo, nanai nang pany a? Nang ly Israela chengchi i chai parai nai kai Tameuh ai tahm khai y lawh ly.

SAM 138:2

Kai ly nang i nang parai nai Achura yhm kachai mang y motha iy, lu meung naimy nang i khaw parai nai tamen naira hawi, ka-ym awm nai molam y, nang i amyn kang palo mang; ati mana nai mo nabaly, nang i amyn hawi adeu naichi ly tahm awm keh, nanai patei pi nai deaungkho y ne.

SAM 144:9

Aw Tameuh, kai ly khulym kangtha thui iy nang ai kang palo ai; taro beu iy khulym thui naimy palo ai.

SAM 25:10

Leu Maikawm hawi Reita leu pei naichi atyp nai khumi bawibawichi ai nang ly tamen naira hawi py, ka-ym awm naira hawi py, lam patei nai ne.

SAM 33:2

Tarochi beu iy Areng ai palo u. Vui horei awm nai katyn kapau hawi, mymy i mo y khulym thui u.

SAM 43:4

Huna nai khala y aw Tameuh, kai ly nang i maicham mang y ahihawi ai. Kai ly nang teng i amo theu naira kanga nai ne. Aw Tameuh, kai i Tameuh, nang ai taro beu naimy kang palo ai.

SAM 56:4

Kai ly Tameuh ai ym nai deaungkho y, ami ai py jei ai ny y; mymy i adeu nai molam y mymy ai kapalo ai. Khumi ly kai ai ati sa pajau ai mo?

SAM 78:41

Nichi ly Tameuh ai avaw sadyn cham u i, Israela chengchi i tahm asang parai nai hawi, chai parai nai Tameuh ai kado patheu u lawh.

SAM 89:1

Aw Areng, kai ly nang i khaw parai nai tamen naira satang ai avawrei khulym thui ai; kai ly nang i ka-ym awm nai sai ai, neng tleirei amthang hai ai.

SAM 89:18

Aw Areng, nang ly kaichi ai ama hai nai keung vawi takhra pi bo; Israela chengchi i chai parai nai Tameuh, nang ly kaichi i vui samrang khai pi nai ne.

SAM 98:3

Mymy ly mymy i khaw parai nai tamen naira hawi ka-ym awm nai hawimy, Israela chengchi teng y adeu nai leu ly khaw hai bo. Meingtym tleirei y awm nai khumi bawibawichi ly achi i Tameuh i eaung nai niu u nai ne.

SAM 98:4

Khaileaung i khumi bawibawichi awi, amo theu naimy khulym thui iy, Areng i nang parai nai ai palo u; khulymchi thui iy amo theu aeu naimy, mymy ai palo u!

SAM 98:5

Palo nai khulym thui naimy Areng i nang parai nai ai palo u! tarochi beu iy nang parai nai sai palo u!

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 43:3

Ati mana nai mo nabaly, kai ly Israela chengchi i chai parai nai Tameuh, nangchi ai atleu nai keung, nangchi i Areng Tameuh ne nai deaungkho y ne. Kai ly nangchi miseaungra i nai alaw naira nga u ai nai Aikupta pri khai su ai. Ethiopia pri hawi Seba pri ai, kaimy khai su ai.

ISAIA 5:16

Na i py ati cheaungkhang sa thai nai Areng ly kahawi sa nai dengdairei mymy i nang parai nai patei pi ai. Mymy i nang parai nai hawi chai parai nai amthang hai ai.

ISAIA 5:19

Nangchi my, “Kaichi niu ai nai Areng ly mymy i leu pei nai kamta, so pi kaliki sy. Israela chengchi i chai parai nai Tameuh ly mymy i dawn tau naichi so pi takengkei na sy. Mymy i dawn tau nai achi khen u sina,” nanai thui lawh.

ISAIA 5:24

Hunai deaungkho y chohphi hawi acha kajeichi ly mai kangveaung y kang nai kamta, nangchi i tangjynchi ly rawp iy pauchi py jei pawn ai. Ati mana nai mo nabaly nangchi ly kaichi teng y Israela chengchi i chai parai nai, ati cheaungkhang sa thai nai Areng my leu pei nai khai u su nai deaungkho y ne.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 60:9

Huni samphochi ly pri kamlo mang i dengdairei, Tameuh i khumichi ai, mychi pri mang y tang nai samphochi ne. Hunichi ly Israela chengchi i chai parai nai Tameuh ai palo ai nai muku hawi tangkachi syn u. Mymy ly mymy i khumichi ai tahm pasang nai ne.

MIKHA 7:20

Nang ly jangni khala, kaichi i amsi pajochi teng y adeu nai kamta, Abraham hawi Jakob i kangpreang lawm nai, nang i khumichi ai ka-ym awm naira hawi khaw parai nai tamen naira pahen naira hawimy hawi naira tym hai ai.

ROM AVANGCHI TENG Y PAWLA I CHA PA NAI 15:8

Hini ly kang thui pi ai nai ngai, Amsi pajochi teng y adeu nai leu ly khaw hai ai nai hawi, ni i pahen naira deaungkho y Cheng Takhrachi ly Tameuh ai palo u thai ai nai py,