SAM 71:20 - Khumi Common Language Bible

²⁰ Nang ly kai ai khri pa-rei patang nairachi avum hai teu i py, nang ly kai ai atho awm hai teang iy, deira i nai atleu pi bo.

SAM 71:20 ပူးပေါင်းရင်းမြစ်များ

2 SAMUELA 12:11

Kai ly nang i yhm dengtheungchi theung i naimy, nang ai patang hai nai keung leaungrei theu hai ai. Nang i ajuchi ai takhra khumi teng y, kaimy pei vui nai ly nang nui ai. Huni khumi my ly nang i ajuchi hawi kani thun tang y my, i ahawi nai py nang nui ai.

SAM 119:25

Kai ly sum i, spryhra y atlym nai deaungkho y, nang i adeu nai kamta heng ai nai pei kyh ba.

SAM 138:7

Kai ai patang nairachi my ang taki meuh nai neng khala malawn py, nang ly kai ai ama hai bo. Nang ly kai i paleung ka-echi kado theu nai paka iy, sa thai naira hawimy kai ai atleu bo.

SAM 16:10

Ati mana nai mo nabaly nang ly kai ai tavau kho y chei ai nai pei y nai deaungkho y ne. Kai ly ka-ym awm parai naimy kalop sa pi bo. Kai ai deira tavau kho y au su ai ny y.

SAM 60:3

Nang ly nangmy i khumichi ai, patang naira tym hai bo; kaichi ai nei cha ala nai khumichi kamta, atlym hai khikha na bo.

SAM 60:5

Nang i sa thai naira hawimy kaichi ai atleu kyh ba; tamen nai khumichi ly atleura nga hai ai nai, kaichi i chiu sa hnei takeng nai tangai pi kyh ba.

SAM 80:18

Kaichi ly nang teng i nai mana khala py, hi vui ai ny y; kaichi i tlang heng ai nai pei baly, kaichi ly nang ai palo ai.

SAM 85:6

Kaichi ai atho kangtha pei kyh ba; hunaibaly nang i khumi lawm nai kaichi ly nang ai kang palo u ai.

SAM 86:13

Kai i tlang tleaung y nang i khaw parai nai tamen naira ly khri pa-rei len parai na ly! Nang ly kai ai tavau kho i nai atleu bo.

SAM 95:4

Mymy ly khaileaung thiu parai nairachi dengdairei, asang keh nai mawichi khrairei, khaileaung pri verei y peang nai ne.

ISAIA 26:19

Kaichi khumichi theung i dei chum naichi ly heng u ali teang ai! Nichi i ngan tlangchi ly heng teang ai. Tapreaung angawm y aseaung nai khumi kadeichi ly amo theu naimy khulym thui u ai. Reaung amchang nai kadamchi ly khaileaung y apu hai ali teang nai kamta, neng kra parai nai khala i dei chum nai khumichi ai, Areng ly heng hai ali teang ai.

ISAIA 38:17

Kai i paleung bi naira ly paleung savairu nai mang y amtlau vui ai. Nang ly kai i tlang ai ka-jeira cheaungkhangra i nai atleupi bo. Kai i kamngo ngierei py pahen pi bo.

JONA 2:6

Kai ly mawichi kheutang y tym pa-rei py, vawi lam by y nai tavau pri mang y py, anum vui bo. Na i py, aw kai i Areng Tameuh, nang ly kai ai thiu paraira i dengdairei atleu bo.

MARKA 15:34

Naibaly kani ka-reu khala y Isu ly tao pajeng parai pa-rei my, “Elawi, Elawi, lama sabakthani?” nanai aeu; (huni ly “Kai i Tameuh, kai i Tameuh, ati mana nai kai ai khai su lawh?” nanai sai ne.)

AMTAW 2:24

Mymy ai ly deira my patawn pajau ai nai ly aveng nai deaungkho y, deira my kawm naichi ly Tameuh my su pi i pathau bo.

EPHESI 4:9

(Hunaibaly “Mymy ly lyn kalau bo,” nanai ly, mymy ly khaileaung meingtym anui keh naira y kathiu manme, nanai sai ny y a?

AMTENG HAI NAI 7:14

Naibaly kai ly ni teng y, “Areng, nang ly pany bo,” kanapi. Naibaly mymy ly kai teng y, “Hinichi ly patang parai naira i dengdairei theu u naichi ne, nichi ly Beram Cho i thi y nichi i kanihchi pasiu iy, kaleung hai bo.

1 SAMUELA 2:6

Areng ly dei nai hawi heng nai py, mymy i khumichi ai tavau pri y tha nai hawi palau teang nai py sa nai ne.