SAM 71:18 - Khumi Common Language Bible

¹⁸ Vai i neng y kai ly miteaung cheang bo i, sam py pau bo; aw kai i Tameuh, kai ai khai su moh kyh ba! Kai ly mo mang i katu chanau kangpreang bawibawichi teng y, nang i sa thai naira nang parai nai satang amthang hai nai khala, kai hawi vanrei awm kyh ba.

SAM 71:18 ပူးပေါင်းရင်းမြစ်များ

ATITI AWM ANGCHEI NAI 27:1

Isaka ly miteaung cheang i mei niu y bo. Mymy ly chapo kalen Esaw ai, “Deang awi!” nanai palau i, Esaw my, “Kai hi y awm,” napi.

SAM 22:31

“Areng ly mymy i khumichi ai atleu pi bo,” nanai mo mang y tapen nai khumichi teng y thui pi ai.

SAM 48:14

Huna nai khala nangchi ly “Hini Tameuh ly deungtasa khrairei achi i Tameuh ne; mymy ly achi ai deungtasarei ang pahawi ai,” nanai mo mang i deung kangthauchi teng y thui pi pajau ai.

SAM 71:9

Vai i neng y kai ly miteaung cheang nai deaungkho y, kai ai khai su moh ba. Vai ly kho bai bo i, kai ai khai su moh kyh ba.

SAM 78:4

Hunichi ai kaichi ly katu chanauchi teng y thui y naimy awm ai ny y; Areng i sa thai naira hawi, tahm asang parai nai saichi py, mymy i sa nai rengrang tlaichi ai py, mo mang i deung kangthauchi teng y thui pi ai.

SAM 78:6

Hina nai kamta sa nai ly vai mo mang i deung kangthauchi my reita leu pei naichi ai pany thai iy, mymy i katu chanauchi teng y thui pi pateang ai nai ne.

THEU NAI 13:8

Huni Pawi sa amteaung nai kani y nangchi i chapochi teng y, ‘Aikupta pri i dengdairei achi theu nai khala, Areng my rengrang tlai sa pi nai sai pany jo nai pawi ne,’ nanai thui pi pachai ai nai tla.

ISAIA 46:4

Kai ly nangchi i Tameuh ne. Nangchi miteaung acheang iy sampau luthym pa-rei, nangchi ai kang khen, kang kry ai. Nangchi ai kang sabawm ai, atleu ai.

ISAIA 51:9

Aw Areng, ang thau ly kaichi ai sabawm ba! Nang i sa thai nai haiho hawimy, kaichi ai atleu kyh ba. Angthau ly jangni jangkhawn i kamta, sa thai naira tym hai ba. Pangli naka pui Rahabi ai tameang piupa nai keung py nang ne.

ISAIA 53:1

Khumi mipuichi my, “Vai, kaichi my thui pi nai satang ai ami my ym ai mo? Hinira i Areng i kupe lasa, ami my niu pajau ai mo?

AMTAW 13:36

Davida ly Tameuh my thui pi nai kamta mymy heng ahawi naichi ai kry pajau nai bo y i ngym iy, mymy i kangpreangchi teng y up i, veaung veng bo he;

1 SAMUELA 4:15

(Eli ly saneng 98 rei awm i, mei py paju ai nai kasa bo.)

1 SAMUELA 4:18

Eli ly Leu Maikawm Pawm satang thai nai khala y, katheu sahawi i atehra tleaung i nai nithun mang y atlym amthai vui bo. Ni ly miteaung cheang iy veung py hawi ala nai y, kaneaung tleukrup i dei bo. Ni ly Israela chengchi ai, saneng vui palyhrei lu sa pi nai ne.