SAM 69:3 - Khumi Common Language Bible

³ Sabawmra nga ai nai ka-eu nai deaungkho y, kai ly atho bai na bo; kai i tao ly no bo. Nangmy sabawm ai nai angdeang ala nai deaungkho y, meichi py khohai na bo.

SAM 69:3 ပူးပေါင်းရင်းမြစ်များ

JOBA 11:20

Na i py khumi hawi y naichi ly paleung phra athosi nimy, lawi tleaungra lam hau i py, niu u ai ny y. Nichi i athang khai naira harei ly dei naira ne.

JOBA 16:16

Kai ly meimai paleang na naimy meichi bau iy, mei tengchi panum na pa-rei, kavo ai nai tla bo.

SAM 119:123

Nang i sabawm ai nai hawi, atleu ai adeu nai ajeng nai ly kai i mei khohai na bo.

SAM 119:82

“Kai ai mana khala sabawm ai mo?,” nanai kang deng nai khala y, nang i adeu nai ai ajeng nai ly kai i meichi khohai na bo.

SAM 22:15

Kai i tao ly spryh kamta phuirawm i, kai i palai py dangkang y akau vui bo. Nang ly kai ai dei hai ai nai spryhra y khai su bo.

SAM 22:2

Kai i Tameuh, kanithun khala y nang ai kang palau; na i py nang ly pathang y. Kai ly vum y kang palau bo; na i py kai ly paleung awmnem naira ngo y.

SAM 25:21

Kai ly nang ai ym nai ne i, kai i ka-ym awm nai ly kai ai kry hai sy.

SAM 39:7

Hunai deaungkho y aw Areng, kai ly mani ai athang khai pajau ai mo? Kai ly nang ai athang khai nai ne.

SAM 40:3

Achi i Tameuh ai palo naira y khulym kangtha thui ai nai, mymy ly kai ai patiu pi bo. Huna nai sa nai ai niu u nai khumichi ly jei naimy tahm khai u iy, Areng ai ym u ai.

SAM 6:6

Kai ly paleung si paleung mawn nai molam y paha naimy awm bo. Dym tleirei kavo nai deaungkho y, ira ly sui be na bo. Kai i lutleang ly meikatui suipla naimy awm bo.

SAM 69:21

Kai kajeu alam nai khala y, paleung ka-echi ly dei asi pacho u bo; tui ahai nai khala y, kreip hang katho panei u bo.

SAM 88:7

Nang i kado theu naira my ly kai ai ang ti cheng bo; kai ly huni kado theu nai tui sampyh anui y anum bo.

ISAIA 38:14

Kai i raawi ly ahyn thlyhthlyh na; kai ly buhu kamta katangam bo. Kani mang y khen angdeang nai nawi ala nai deaungkho y, kai i mei khohai na bo. Aw Areng, hini patangra i nai kai ai atleu pi kyh ba.

TANGAM NAI LEU 2:11

Kai i meichi ly vo ala nai deaungkho y, pajai na bo; kai i paleung phailo py, khri pa-rei patang parai bo. Kai ly kaimy i khumichi myh kang pawn nai molam y, paleung si parai naimy atho py bai na bo. Deaungdichi hawi deaungdi chymplei naichi ly mary theung i lamchira y paleung veang y naimy atlym u bo.

JOHAN 19:28

Hunai bo y Isu my vai ly ati cheaungkhang angym bo, nanai pany i, Tameuh i cha-iu leu sai tym thai ai nai “Kai tui ahai,” napi.

Leu Thui Nai 28:32

Nang i mei keung y my nang i cho chanauchi ai cheng takhrachi my miseaung palawn ai nai hawi vui ai. Nang ly kani tleirei cho chanauchi vawi ali teang na mo, nanai angdeang teu i py mei naini khohai atyhtyh ai.

HEBRAI 5:7

Ni ly tlang y awm nai thym khala y ly, dei naira y mymy ai paheng pajau nai keung teng y ly khrikhri pa-rei aeu nai hawi mei katiu tla nai tarawi y chiu sa nai hawi atiti hnei nai talam iy, Tameuh teng y aau nai deaungkho y ang tangai pi: