SAM 69:21 - Khumi Common Language Bible

²¹ Kai kajeu alam nai khala y, paleung ka-echi ly dei asi pacho u bo; tui ahai nai khala y, kreip hang katho panei u bo.

SAM 69:21 ပူးပေါင်းရင်းမြစ်များ

Parip nai leu 4:1

Naibaly kai ly hini khaileaung pri i adyh adawi y nai sai kakhen lawh bo. Ana patang naira avum nai khumichi ly vo u; nichi ai sabawm ai nai khumi leaungrei py by y. Ati mana nai mo nabaly nichi ai ana nai khumichi ly sa thai naira awm nai deaungkho y ne.

JEREMIA 23:15

“Hunai deaungkho y ati cheaungkhang sa thai nai keung kai, Areng ly Jerusalem mary i amochi molam y leu pei nai ly: Nichi ai dona keungchi kapacho ai; dei asi abawi nai tui py nei hai ai. Ati mana nai mo nabaly nichi ly pri verei y Tameuh ai pany y nai leaungsaichi ahei nai deaungkho y ne,” napi.

JEREMIA 8:14

Tameuh i khumichi my, “Achi ly ati mana nai y ateh u tliu lawh mo? Jeu u ly amtangra marychi mang y angpreng iy, achi dei u sina. Achi i Areng Tameuh ly achi ai dei hai bo. Achi ly mymy i tlang tleaung y kamngo sa nai deaungkho y, mymy ly achi nei ai nai dei asi abawi nai tui panei bo.

JEREMIA 9:15

Hunai deaungkho y nichi i tlang tleaung y Israela chengchi i, ati cheaungkhang sa thai nai keung kai, Areng my mana kang sa ai mo, nanai tangai cham. Kai ly kaimy i khumichi ai kho nai dona keung pacho iy, dei asi abawi nai tui nei hai ai.

TANGAM NAI LEU 1:2

Ni ly vumtorei vo naimy awm; meikatui ly my i tangbeng y leaung na bo. Vaichi khala mymy i ahawi kamrawi bawibawichi theung y, ni ai awmnemra pei ai nai leaungrei py by y leang bo. Ni i amsawi amnai asa naichi py, atakai vui veng bo. Vai ly nichi my ni ai paleung ka-e khai u.

TANGAM NAI LEU 1:9

Ni i chai y nai sai niu hawihai pajau teu i py, ni ly my i avum nai khym taham ai dawndan y. Ni i phra nai sai ly ka-jei hawi parai na. Ami my py awmnem naira pei pajau y. Ni ai paleung ka-echi my pajau vui nai deaungkho y, ni ly pahen naira nga ai nai Areng teng y hnei takeng bo.

MATTHAI 27:34

kreip athai hang katho atiti kakho hawi katlen nai mymy ai nei ai nai pei; naibaly mymy ly pateng i nei ngai y bo.

MATTHAI 27:48

Naibaly nichi theung i leaungrei ly angpreng praw iy, span la i kreip athai hang katho kawi pa-rei padeung nai, speung y takei iy nei hai bo.

MARKA 15:23

Naibaly nichi ly kreip athai hang mura hawi katlen nai talam i mymy ly ngai y.

MARKA 15:36

Naibaly khumi leaungrei ly angpreng iy, span harei kreip athai hang katho kawi pa-rei padeung nai speung y takei iy nei hai i,” Awm sy; Elija ly mymy ai la ai nai ang jeu lawh mo khen u sina,” napi.

LUKA 23:36

Naibaly tavaimichi my py panui hai i mymy teng y chei iy, kreip athai hang katho talam pi i,

Leu Thui Nai 29:18

Vaini hini meingtym y angdo u nai nangchi theung i neampacho, ti y baly neampachy py, yhm dengtheung, ti y baly cheng theaungchi py, achi i Areng Tameuh ai khai su iy, cheng theaung takhra khumichi i tameuhchi ai chiu y ai nai dawn patyp u. Huna nai sa lawh baly khota iy dei thailai awm nai keung cheang hai nai tangjyn lawm ai.