SAM 68:7 - Khumi Common Language Bible

⁷ Aw Tameuh, nang ly nangmy i khumichi ai pahawi iy daichi ka-vym tako prei nai khala py,

SAM 68:7 ပူးပေါင်းရင်းမြစ်များ

SAM 107:34

Mymy ly khaileaung kahawi ai, teaung ai ngo y nai palawi khaileaung lawm hai bo; ati mana nai mo nabaly hu y awm nai khumichi i hawi y nai molam y ne.

SAM 146:7

Mymy ly ana naira avum nai khumichi ai meimai khen iy tara chih pi i, kajeu alam naichi ai pacho panei pi bo. Areng ly theaung tla naichi ai lawi hai iy, mei kamjuchi ai mei angvang hai.

THEU NAI 13:21

Nichi ai pahawi nai thym y, Areng my kani thun y ly tamai angjawi hawi nichi i mo y lam patei i, vum y ly maiteaung kangvang hawi mo mang y to pi bo. Huna nai kamta vum kani thun nichi ly khuleaung chei thai nai ne.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

MIKHA 2:13

Nichi ai pri palara i nai lawi teang ai nai, Tameuh kypkyp my lam patei pi ai. Nichi ly mary apai katheuchi taphra vui iy, tleaung u ai. Nichi i samrang, Areng mymy kypkyp ly nichi ai pahawi ai.

Leu Thui Nai 4:34

Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.

TARA CHIH NAI KEUNGCHI 4:14

Naibaly Deborah my Barak teng y, “Nang chei ly Areng my nang ai ang hawi bo; vaini my mymy ly nang ai, Sisera ai eaung ai nai pei bo,” napi. Hunai deaungkho y Barak ly my i tavaimi leaung meaung kateaungreichi hawi Tabor mawi dengdairei satla kathiu bo.

TARA CHIH NAI KEUNGCHI 5:4

Aw Areng, Sira mawi salo y nang jeu iy, Edom pri i dengdairei tavai thau nai khala, khaileaung amchyh na i, kani mang my kani nai hai. Khupanymchi dengdairei kanitui tla bo.