SAM 68:5 - Khumi Common Language Bible

⁵ Achura yhm kachai y awm nai Tameuh ly nurochochi ai kry iy, neampachy lumaichi ai ama hai nai ne.

SAM 68:5 ပူးပေါင်းရင်းမြစ်များ

2 NENG SATANG 30:27

Pathyp pi nai keungchi hawi Levi theaungchi ly mipuichi i vui, Areng teng i amtheaung naira hnei pi nai deaungkho y, Tameuh ly mymy i awm nai kani pri mang dengdairei, nichi i chiu sa nai pathang pi nai ne.

2 NENG SATANG 6:2

Vai kai ly nang i awm ai nai Achura yhm, nang my deungtasarei awm ai nai meingtym sa nai ly cheang bo,” nanai chiu sa nai ne.

SAM 10:14

Na i py nang ly patang naira avum naichi ai niu takengkei iy, sabawm ai nai avawrei angveirym nai ne. Jeaungmang nai khumichi ly amymy ai nang teng y a-au reng.

SAM 10:18

Ana patangra avum nai khumichi hawi nurochi ai, mo mang y pajei bi y ai nai, nang ly nichi i aeu nai raawi tangai pi iy, nichi hawi ai nai molam tara chih pi ai.

SAM 118:19

Kai i vui Achura yhm katheuchi paeaung pi u; kai ly kun iy Areng ai palo ai

SAM 146:9

Mymy ly Israela pri y awm nai cheng takhrachi ai ama hai iy, neampachy lumaichi hawi nurochochi ai sabawm; na i py khumi aso y naichi ai ly tama hai bo.

SAM 150:6

Heng nai amjy bawibawichi awi, Areng ai palo u! Areng ai ly palo u!

SAM 33:14

Mymy ly my i peang nai meingtym i dengdairei meung iy, khaileaung pri y awm nai, heng nai bawibawichi ai khen nai ne.

SAM 72:2

Nang i khumichi ai leu meitang adyh adawi naimy peang pajau ai nai py, khumi kamawnchi ai reita hawi kamlau peang pajau ai nai py, nang i leu meitang adyh adawi nai kamta tara chih pajau ai nai samrang ai pei pi ba.

SAM 72:4

Samrang ly khumi kamawnchi ai adyh adawi naimy tara chih pi sy; khumi kamawnchi ai sabawm pi sy; ana pumpi nai khumichi ai pasum pi sy.

THEU NAI 3:15

Naibaly Areng my Israelachi teng y, “Nangchi i amsi pajochi i Areng, Abraham i Tameuh, Isaka i Tameuh, Jakob i Tameuh napi nai Areng Tameuh my nangchi teng y kai ai ang pato nai ne,” nanai Israela chengchi teng y thui pi ai nai tla. Huni amyn ly deungtasarei kai i amyn ne; momang i deung kangthauchi ly huni amyn hawi kai ai palau u ai.

ISAIA 1:23

Nang i miteaung kehchi py langmeang thau naichi, kangviu ai atho pei naichi lawm u bo. Nangchi ly un langseaungchi la u teu i py, Tara jeungra y nuro nukai chochi ai amo hai u y. Lumai cheaungtichi i ka-jo ka-thuichi ai py, tangai iy chih pi y.

ISAIA 12:4

Khumichi my hina nai palo nai neng kani tym ai, “Areng ai palo u! Kasabawmra nga ai nai hnei u! Mymy i sa naichi ai khumi cheng cheaungkhangchi teng y thui pi u! Mymy i nang parai nai sai ai, nichi teng y thui pi u!

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 66:1

Areng my, “Kani pri ly kai areng atehra ne i, khaileaung ly kai i kheu chiura ne. Hunai deaungkho y nangchi ly kai i vui ati mana nai Achura yhm, kai awm ai nai vui ati mana nai meingtym sa u ai mo?

JEREMIA 49:11

Nangchi i nurochochi ai kai teng y daw jo ly kaimy khen kry ai mang. Nangchi i neampachy lumaichi ly kai teng y abyh pajau nai ne.

JEREMIA 5:28

Bym pa-rei cha ai nai nga iy veung py hawi u bo. Nichi ly hawi y naichi ai tem-ma by y pa-rei sa u nai ne. Nuro nukaichochi ai nichi i nga ai avo nai phychi py pei pi y. Pahyp y naimy ana naira avum naichi ai py, adyh adawi hai y.

HOSEA 14:3

Asuria samrang ly kaichi ai mana khala py atleu pajau y. Tavai keaungngochi ly kaichi ai amo hai pajau y. Kaimychi kiu hawi sa nai mynchi ai, kaichi i Tameuh, nanai thui ali bi y ai. Aw Areng, nang ly awmra jeaungmang nai khumichi ai pahen nai ne”

EPHESI 5:1

Hunaibaly mymy i chanau ngai parai naichi kamta Tameuh i amtiu nai khumichi lawn u.

Leu Thui Nai 10:18

Mymy ly nurochochi hawi lumai nuchi ai pajyh patleh y naimy pahen pi. Nangchi hawi vanrei awm nai cheng takhrachi ai py tamen nai deaungkho y, nichi cha nei ateaung ai nai molam ka-vo sa pi.

Leu Thui Nai 26:15

Nang i awm nai kani pri meingtym kachai mang dengdairei khen katheu iy, amsi pajochi teng y adeu nai kamta pei nai paitiu khuta hawi nai pri hawi vanrei, nang i khumi Israela chengchi ai amtheaung hai ba, “nanai takeng ai nai tla.