SAM 68:34 - Khumi Common Language Bible

³⁴ Tameuh i sa thai naira amthang hai u; mymy i nang parai nai ly Israela chengchi tlang tleaung y khiu iy, mymy i phum-ang ly kani khusang mang y amteng bo.

SAM 68:34 ပူးပေါင်းရင်းမြစ်များ

SAM 150:1

Areng ai ly palo u! Achura yhm y Tameuh ai palo u! Kani mang y mymy i sa thai naira ai palo u!

SAM 29:4

Areng i raawi ly amsau bo. Huni raawi ly sa thai naira hawi, nang parai naira kawi angym nai ne.

Leu Thui Nai 33:26

Israela khumichi awi, nangchi i Tameuh ly ni hawi pata ai nai tameuh takhra by y; mymy ly phum-ang nang parai nai hawimy tamai atang iy, kani khusang tako prei naimy, nangchi ai sabawm ai nai ang jeu bo.

Leu Thui Nai 33:27

Tameuh ly nangchi ai ama hai jojo nai ne; mymy i deungtasa kiuban my nangchi ai ang dawmkhawn bo. Mymy ly nangchi tako nai lam i, paleung ka-echi ai paryh pi pawn bo; huni paleung ka-echi ai tamyh pawn ai nai nangchi ai leu kang pei bo.

II PETERA 1:17

Naibaly khri pa-rei nang parai naira i dengdairei mymy teng y raawi tym i, “Hini ly kai i Chapo ngai parai nai ne: kai ly mymy i tlang tleaung y khri khti pa-rei kakawn parai,” nanai thym khala y ly, ni ly Ampo Tameuh teng i dengdairei tahm pasang naira hawi nang parai naira nga bo.

AMTENG HAI NAI 19:6

Naibaly khumi mipui neangneangchi i raawi kamta hawi, tui kamsau katyn kamta hawi, khri pa-rei kani pajyh nai katyn kamta py, “Haleluja! Achi i Areng Tameuh, Atiti py Sa Thai Nai Keung ly peang bo.