Nang ly kai i abyh naira ne. Kai ai patangra i nai atleu kyh ba. Nang ly kai ai ama hai nai deaungkho y, kai ly nang i atleu pi nai satang tao pajeng parai naimy khulym kathui ai.
Nang ly kaichi i chiu sa hnei takeng nai tangai pi iy, eaung naira nga hai bo; lyh ai hawi naichi sa naimy, kaichi ai atleu nai ne. Khaileaung pri verei hawi, pangli katem mang y awm u nai khumi bawibawichi ly nang ai ym u bo.
Achi i Areng Isu Krista i Tameuh hawi Ampo ai ly palo nai awm sy. Ni my kani pri mang y ly Krista y phailo mang i amtheaung naira cheaungkhang y achi ai amtheaung hai bo;