SAM 68:18 - Khumi Common Language Bible

¹⁸ Mymy ly langheng hawi naichi ai hawi iy, asang nai meingtym mang y lyn kalau bo; mymy ly tiu nai khumichi teng i langseaungchi nga bo. Areng Tameuh ly huni meingtym y awm ai.

SAM 68:18 ပူးပေါင်းရင်းမြစ်များ

2 NENG SATANG 6:18

“Na i py aw Tameuh, nang ly khaileaung salo i khumi neampacho, neampachychi theung y awm pajau na a? Kani khusang malawn py nang awm ai nai akeaung y na baly, kai i sa nai Achura yhm ly mana akeaung ai mo?

SAM 110:1

Areng my, “Kai ly nang i paleung ka-echi ai nang i kheu khaira lawn hai ai; huna nai lawm y ryrei ly kai i lamtang mang y ateh,” nanai kai i Areng teng y leu pei bo.

SAM 24:3

Areng i mawi salo y lyn pajau ai nai khumi ly ami mo? Mymy i Achura yhm kachai theung y kun pajau ai nai khumi ly ami mo?

SAM 47:5

Tameuh ly mymy i atehra bailang mang y lyn kalau bo; Areng lyn kalau nai khala, amo theu aeu nai raawichi hawi baw eng nai katynchi thai u nai ne.

SAM 7:7

khumi bawibawichi ai nangmy i sahawi y angym hai chum baly, salo mang my nichi ai peang ba.

SAM 78:60

Achi teng awm nai Siloh mary i kanih yhm ai mymy ly khai su nai ne.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

Ezekiela 48:35

Mary ai tapang meuh nai mary apai makeng palyhrei i jeng kasau bawibawi ly miu meaungkateaung atlo sang tajarei awm. Huni mary ai vai i dengdairei “Areng ly hi y awm!” nanai thui u ai.

JOELA 2:11

Areng ly mymy i tavaimichi ai, kani pajyh nai katyn ka-tawm hawi leu pei nai ne. Mymy i leu pei nai tangai u nai tavaimi risachi ly vuikanai nawi, sa thai naira py awm. Areng i neng kani ly khri pa-rei jei ai hawi na ly! Huni neng kani ai ami katlen vui pajau ai mo?

MATTHAI 9:13

Hunaibaly nangchi ly chei iy, ‘Kai ly apathyp naira ngai y i, pahen naira ngai,’ nanai leu sai awm nai sai amtiu u: kai ly khumi kahawichi ai palau ai nai kang jeu nai ny y leang, khumi kamngochi ai palau ai nai kang jeu nai teu,” napi.

MARKA 16:9

Naibaly mymy ly kani saryhrei angchei i kani khawn mang y angthau bi iy, Mari Makdilini, ni i taku theung i dengdairei vawinam saryhrei patheu nai teng y amteng manme.

LUKA 24:47

naibaly mymy i amyn y uikhei ai nai leu hawi, kamngo pahen ai nai leu py Jerusalem y pateaung iy, cheng cheaungkhangchi teng y thui pi ai nai tla, nanai tajiu nai awm.

LUKA 24:49

Naibaly khen cham, Ngaai i adeu nai ly nangchi teng y kang pato ai; na i py salo mang i dengdairei nangchi ai atiti sa thai naira y amthyp hai y ryrei ly avang y ajeng u jo rai ba,” napi.

LUKA 24:51

Naibaly hina nai ne, amtheaung hai nai thym khala y nichi hawi amprei i, ni ai ly kani pri mangy pahawi kalau veng bo.

JOHAN 14:23

Isu my ni teng y, “Ami py kai ai tamen baly kai i leu pei nai tangai ai; Ngaai my ni ai tamen ai i kaini my ni teng y jeu ai, ni teng y py awm jo ai.

JOHAN 16:7

Na i py kaimy leu meitang kang thui pi; kai chei baly nangchi i vui avo ai; kai chei y baly Awm Hai Nem nai Keung ly nangchi teng y ang jeu ai ny y; kai chei baly ni ai nangchi teng y kang pato ai.

AMTAW 2:23

Ni ai ly Tameuh my mymy i kangai sa ai tau thleng nai hawi pany yb nai kamta patiu hai iy, nangchi lykhumi kamngochi i kiu y kraws tleaung y tahen i padei bo.

AMTAW 2:4

Naibaly nichi bawibawi ly Phailo Kachai my kawi bebe i, Phailo my leu katheu hai nai ka-tawm leu takhra takhra katheu u amteaung bo.

AMTAW 9:17

Naibaly Anania ly chei i yhm y kun, naibaly mymy i tlang tleaung y kiu tamam iy, “Be Sawla, nang i mei angvang ai nai hawi, nang ly Phailo Kachai kawi naimy awm thai ai nai py Areng, nang i tako nai lam y nang teng y amteng nai Isu my kai ai ang pato nai he,” napi.

ROM AVANGCHI TENG Y PAWLA I CHA PA NAI 5:8

Na i py achi khumi kamngo nai thym khala y Krista ly achi i vui y dei pi nai deaungkho y, Tameuh ly mymy i achi ai ang tamen nai ly palo ai ataing nai amteng hai.

II KORINTH 6:16

Naibaly Tameuh i achura yhm ly mynchi hawi ati aly naira awm mo? Achi ly Tameuh kangheng i achura yhm ne; Tameuh my ly, “Mymychi teng y kaawm ai i, mymychi teng y kapavai ai; naibaly kai ly nichi i Tameuh ne ai i, nichi py kai i khumichi lawn ai,” napi nai kamta ly.

Leu Thui Nai 33:2

Areng ly Sinai mawi salo mang dengdairei ang jeu; mymy ly kanito kamta Edom pri salo y amteng iy, Paran mawi salo mang dengdairei mymy i khumichi teng y kangvang ko bo. Mymy i lamtang mang y mai kangveaung hawi sang neangneang chang y nai kani pri amtaw thau naichi abang u bo.

KOLOSA 2:3

pany thai naira i ym thleng thleng nai nang naira bawibawi nga ai nai tamen naira y amtawm achu iy, nichi i paleung ly awmnem thai ai.

KOLOSA 2:9

Mymy y ly Tameuh i angym naira cheaungkhang ly tlang nga nai awm veng.

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

HEBRAI 4:14

Hunaibaly kani mang y tako prei chum nai pathyp pi nai keung kalen keh nang parai nai, Isu, Tameuh i Chapo ai ly achi my nga nai deaungkho y, achi i ym nai leu patawm u cheng sina.

HEBRAI 6:20

Hunira y ly Isu ly Melkisadeka kamta deungtasarei pathyp pi nai keung kalen keh y lawn chum iy, achi i vui mo mang y chei man nai keung y kun bo.

HEBRAI 8:1

Hunaibaly kaichi i leu thui naichi theung y aly len keh nai ly hini ne he: achi ly hunai kamta pathyp pi nai keung kalen keh;

I PETERA 3:22

Isu Krista ly kani pri mang y lyn kalau iy Tameuh i lamtang mang y awm bo; kani pri i amtaw thau naichi hawi, aly peang nairachi hawi, atiti sa thai nairachi py mymy i ngaingai y awm hai bo.

AMTENG HAI NAI 1:20

kai i lamtang mang i kiu y ka-si saryhrei i awm nai sai aneng nai ly hini ne he:ka-si saryhrei ly palau takhra kamkawm saryhrei i kani pri i amtaw thau naichi ne: naibaly maisi khai naira saryhrei ly palau takhra kamkawm saryhreichi ne.

AMTENG HAI NAI 21:3

Naibaly areng atehra theung i dengdairei ly raawi pajeng naimy, “Khen cham, Tameuh i awm naira ly khumichi theung y awm bo: mymy ly nichi teng y awm hai ai i, nichi py mymy i khumichi lawm ai; Tameuh kypkyp my ly nichi teng y awm hai ai i, mymy ly nichi i Tameuh lawn ai.

TARA CHIH NAI KEUNGCHI 5:12

Mo mang y amtheung, Deborah awi, momang y amtheung ba! Mo mang y amtheung! khulym thui ly! Momang y amtheung! Abinoam i chapo Barak awi, mo mang y lyn; nang i langheng hawi naichi ai hawi ba!