SAM 68:17 - Khumi Common Language Bible

¹⁷ Areng ly atho awm parai nai tavai ka-ri sang neangneangchi hawi, Sinai mawi i nai chai parai nai meingtymra y ang jeu bo.

SAM 68:17 ပူးပေါင်းရင်းမြစ်များ

2 ARENG KEH 2:11

Nini ly leu katheu naimy tako hawi nai thym khala, tlenrei khyhmy nini sala y mai keaungngochi my ryh nai mai angveaung nai ka-ri harei amteng i, Elija ai ly ali lengli hawi kani mang y hawi kalau vui bo.

SAM 18:10

Mymy ly kheruben tleaung y atang naimy, ali kamrawi y satla kathiu bo.

SAM 9:12

Tameuh ly patang naira avum naichi ai pany pi jo nai ne. Nichi i aeu nai raawi tami pi y leang. Nichi i tlang tleaung y hawi y sa nai khumichi ai pajeng nai ne.

THEU NAI 3:5

Tameuh my, “Sahawi y jeu moh; nang angdo nai meingtym ly kachai ne i, phainai aleng la.”

ISAIA 2:2

Isaia my vai mo mang i neng khala y vai, Achura yhm awm nai mawi ly mawi bawibawichi ai cho iy, asang keh nai lawm ai. Khumi cheng bawibawichi py, huni mawi y jeu u ai.

Ezekiela 43:7

Mymy ly “Nang khumicho awi, hi y ly kai i areng atehra awm; kai i kheu chiura meingtym ne. Kai ly hini meingtym y Israela chengchi hawi vanrei awm ai i, nichi ai deungtasarei peang ai. Israela chengchi py ne sy, nichi i samrangchi py ne sy, phailo mang y kamleaung sa nai py, samrangchi i veu ai meingtym ka-sangra y up nai py, kai i amyn kachai y mana khala py thui tamawn bi ai ny y.

Ezekiela 43:9

Vai ly nichi kamleaung sa nai hawi, tameuh takhrachi ai chiu nai anawn iy samrangchi i veu py patheu u pawn ai nai tla. Huna nai kamta sa u lawh baly kai ly nichi teng y deungtasarei awm jojo ai,” napi.

DANIELA 7:10

Huni areng atehra mang dengdairei, tavo leaung nai kamta kangvang sangso theu. Huni meingtym y ly mymy i kalop sa nai khumi sang neangneangchi awm. Mymy i mo y angdo naimy kalop sa nai py, meaung neangneangchi awm nai ne. Tara chih nai neng amteaung ai bo i, cha-iuchi kadai u bo.

HABAKKUK 3:8

Aw Areng, nang kado theu ai nai kachyh nai ly tavochi, micheaungchi my a? Nang ai khri pa-rei kado theu hai nai ly pangli my a? Nang ly tamaichi theung y atang bo; nang i khumichi teng y eaung naira tym hai nai khala, ali kani hawi tamai ly nang i tavai keaungngo ka-ri ne.

MATTHAI 26:53

Vai py kani pri i amtaw thau naichi sang tariurei nai meingtym holai nyhrei nai tleaung y nawi keh nai ang pato pi ai nai Ngaai teng y katakeng pajau y, nanai athang khai u a?

Leu Thui Nai 33:2

Areng ly Sinai mawi salo mang dengdairei ang jeu; mymy ly kanito kamta Edom pri salo y amteng iy, Paran mawi salo mang dengdairei mymy i khumichi teng y kangvang ko bo. Mymy i lamtang mang y mai kangveaung hawi sang neangneang chang y nai kani pri amtaw thau naichi abang u bo.

AMTENG HAI NAI 5:11

Naibaly kai ly khen i, areng atehra hawi heng nai amjy palyhreichi hawi, miteaung kehchi ai taki teungtareung nai kani pri i amtaw thau nai neangneangchi i raawi kathai: nichi i nawi nai sai ly meaungkateaung neang neangchi, sang neangneangchi ne.

AMTENG HAI NAI 9:16

Naibaly keaungngo tleaung y atang nai kamkawmchi i nawi nai sai ly kudi apomrei awm: nichi i nawi nai sai ly ang thui pi nai kathai.