SAM 68:1 - Khumi Common Language Bible

¹ Tameuh ly ang thau iy mymy i paleung ka-echi ai ahei hai; mymy ai niu ngai y nai khumichi ly sum iy preang pawn bo.

SAM 68:1 ပူးပေါင်းရင်းမြစ်များ

2 NENG SATANG 6:41

Aw Areng Tameuh, vai ang thau iy, nang i sa thai nai ka-ma-ra Leu Maikawm Pawm hawi vanrei, Achura yhm theung y jeu ly deungtasarei awm jo ba. Nang i khumichi ly mymychi nga nai pahen naira molam y, amo theu u sy.

SAM 21:8

Samrang ly my i paleung ka-e bawibawichi ai patiu ai. Mymy ai niu ngai y nai khumi bawibawichi ai patiu pawn ai.

SAM 44:26

Angthau iy kaichi ai sabawm ba! Nang i khaw parai nai tamen nai saho y atleu kyh ba!

SAM 59:11

Aw Tameuh, nichi ai padei moh ba; padei lawh baly kai i chengchi ly pany jo y ai i, tami veng ai. Kaichi ai ama hai iy kry nai keung aw Areng, nang i sa thai naira hawimy huni khumichi ai ahei hai phro iy, sum hai ba.

SAM 68:14

Ati cheaungkhang sa thai nai Tameuh ly Zalmon mawi salo y samrangchi ai ahei hai nai khala, huni mawi salo y kadamchi tla hai bo.

SAM 68:30

Samji theung i daichi mawi kasi, napi nai Aikupta pri ai parip kyh ba. Si katai beaungjeaungchi hawi, nithun mang abang nai si nu tanglochi, napi nai khumi chengchi ly nang teng y lu meung iy langseaung talam nai pa-rei nichi ai parip ba. Tavai atiu ai ngai nai khumichi ai ahei hai ba.

SAM 89:10

Nang ly tuirengnam Rahabi ai padei iy, tamyh veng bo; nang i sa thai naira hawimy, nangmy i paleung ka-echi ai pasum bo.

THEU NAI 20:5

Kai ly nangchi i Areng Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai.

ISAIA 33:3

Nang ly kaichi mang y asa hai iy atiu pi nai khala, paleung ka-echi ly tavai atiu nai katynchi molam y preang u bo.

Ezekiela 5:2

Phyrei ai ly Jerusalem mary y katanmeuh nai neng tem nai khala mary theung y mai veang. Takhra phy harei ai lo ly mary theung y amki iy haisau hawi tawpbaw pawn. Vai phy harei ai ly ali theung y pakheang veng. Kai ly huni phyrei ai pareng iy haisau hawi kalei ai.

DANIELA 2:35

Naibaly tlenrei khyhmy tamo hawi laikan py, kheupaja py, tangka hawi mukuchi py, dei lawm vui bo. Hunichi ly kani pui y choh atyhra meingtym i spryh kamta, ali aho nai kamrawi y ahei pawn bo. Ati sai py lawi amny y na pa-rei, hm pawn nai ne. Na i py lengseaung pui ly khaileaung verei y kawi nanai mawi pui lawm bo.

Kati Nai 10:35

Leu Maikawm Pawm amsa hai nai tleirei, Mosi my, “Aw Areng, ang thau ly nang i paleung ka-echi ai ahei seaungkhrang hai iy, nang ai niu ngai y nai khumichi ai preang hai pawn! nanai py,

Leu Thui Nai 7:10

Na i py mymy ai niu ngai y nai khumichi teng y, mymy i pajeng naira ly patyh vai y leang.