SAM 66:15 - Khumi Common Language Bible

¹⁵ Kai ly maicham salo y leng patlum ai nai beram kang talam ai; kai ly si hawi mi-ichi apathyp ai; leng patlum nai kapathypra i maikhyh ly kani mang y lyn kalau ai.

SAM 66:15 ပူးပေါင်းရင်းမြစ်များ

2 SAMUELA 6:13

Leu Maikawm Pawm angjeaung nai khumichi ly kheu kan tariurei takan baly Davida my anawn hai iy, Areng teng y si katai harei hawi veung hawi nai sicho harei kapathypra talam bo.

EZARA 8:35

Naibaly pri palara i vawi teang nai khumi bawibawichi ly Israela chengchi i Tameuh teng y leng patlum nai apathyp ai nai katalamrachi syn u. Israela cheng bawibawichi i vui y talam naichi ly si katai 12 rei, beram katai 96 rei, beramcho 77 rei talam u. Mi-i 12 rei py apachai nai katalamra talam u. Hini tawnbawi bawibawichi ai Areng teng y leng patlum nai apathyp u.

SAM 51:19

Huna nai khala nang ly teng khyp nai leng patlum nai kapathyprachi kawn pi ai; si kataichi ai py nang i maicham salo y apathyp ai.

JEREMIA 41:5

Shekhem, Shilonh hawi Samari i khumi leaung vui tajarei tym u. Nichi ly labeaung muichi vau pan iy, mychi i ateaungchi sei piupa i, tlangchira py tamochi ajyn u piu bo. Nichi ly Achura yhm y talam ai nai katalamrachi, mui katuichi py syn u nai ne.

Kati Nai 6:14

Ni ly leng patlum nai kapathypra i vui y no-na by y nai sanengrei awm khyh nai beram katai harei, kamngo pahen nai kapathypra i vui y no-na by y nai beram nu harei hawi, leunghawi kapathypra i vui y no-na by y nai beram katai harei, Areng teng y talam ai nai Tabynako katheu pa-khora y syn ai nai tla.