SAM 64:6 - Khumi Common Language Bible

⁶ Nichi ly hawi y nairachi dawn tau u iy, “Khri pa-rei tau cheng nai kalop ai achi dawn nai ly amcheang bo,” nanai thui u nai ne. Khumi i paleung hawi dawn tau nai sai pany ai nai khri pa-rei rai na ly!

SAM 64:6 ပူးပေါင်းရင်းမြစ်များ

ATITI AWM ANGCHEI NAI 39:15

Ni ly kaimy aeu nai deaungkho y angam mang y angpreng i, mymy i baichu kangjiu ly kai i sahawi y khai su bo,” napi.

SAM 10:11

Khumi aso y nai my, “Tameuh ly hini molam y ati sai py dawn y leang! Mymy ly mei pasym veng; kai ai mana khala py niu y leang,” nanai amy tlairei katheu nai ne.

SAM 35:11

Khumi hawi y naichi ly kai tamang vai y nai kamngochi hawi kai ai ang neng hai bo.

SAM 49:11

Vaichi khala nichi ly khaileaung peang nai keungchi ne lawh teu i py, vai i neng y ly tapreaung angawmchira naini, huni khumichi awm jojo ai nai deungtasarei yhmchi lawm bo.

SAM 5:9

Kai i paleung ka-echi i leu ai ly mana khala py ym ai nai ngo y. Nichi teng y taphra ai ngai nai paleung naini awm khyh. Nichi i labeaung ly am-eaung yb nai tavau pa-kho hawi atawm; nichi i palai py jypjyp naimy tapawp paryp reng nai ne.

LEU KACHENG 20:5

Khumi i paleung y dawn pasym naichi ly tuikan kathiura i tui hawi atawm. Na i py tau awm nai khumi ly deu thai nai ne.

ISAIA 29:15

Areng teng y amychi i dawn pasym naichi apha vui ai nai atho sa nai khumichi ly taham si! Nichi ly mychi i dawn tau naichi kangviu y sa nai ly amychi ai ami my py niu ai ny y; amychi i atitichi sa naichi ai py ami py pany ai ny y, nanai athang khai u.

MATTHAI 26:59

Naibaly Isu ai padei u thai ai nai, pathyp pi nai keung kalenchi hawi tara chih nai keungchi bawibawi ly ni ai ka-chawi y seu ai naira hau u ryry;

JOHAN 19:7

Judachi ly ni teng y, “kaichi i reita harei awm, mymy ly Tameuuh i Chapo amlawn nai deaungkho y huni reita i leu y dei ai nai tla,” nanai pathang u.

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.

1 SAMUELA 22:9

Huna nai khala y Edom mary i khumi Doka ly Sawla i miteaung kehchi hawi angdo i samrang teng y, “Davida ly Ahitub i chapo Ahimelek awm nai Noba mary y chei nai kaniu.

1 SAMUELA 24:9

hina nai thui. “Kai ly nang i tlang tleaung y ka-jeira tym hai ai nai atho sa, nanai khumichi my thui nai leu ai, nang ly ati mana nai ym lawh mo?

1 SAMUELA 25:10

Naibaly Nabala my, “Davida nanai khumi ly ami mo? Kai ly ni i satang tlenrei py thai vai y be! Vai deung i pri ly miseaung kapreangchi hawi kawi na!