SAM 63:5 - Khumi Common Language Bible

⁵ Kai i phailo ly tuinem nai teicha cha ai ngai nai khumi kamta, paleung tienem naimy kaawm ai. Nang ai amo theu parai naimy palo nai khulym thui ai.

SAM 63:5 ပူးပေါင်းရင်းမြစ်များ

SAM 104:33

Kai ly kaimy deungrei, Areng ai khulym thui naimy palo ai; kai ly heng nai ryrei, Tameuh ai palo nai khulym thui pi ai.

SAM 104:34

Mymy ly kai ai amo theu hai nai deaungkho y, kai i thui nai khulym ly mymy kawn pi sy.

SAM 134:2

Achura yhm theung y kiu pheu iy chiu so u; Areng ai palo u!

SAM 135:3

Areng ly hawi nai deaungkho y mymy ai palo u; mymy ly pahen nai deaungkho y, mymy i amyn palo nai khulym thui u.

SAM 17:15

Kai ly kamngo so y nai deaungkho y nang ai niu ai; kai ly ira i nai ang thau nai khala, nang ly kai hawi vanrei awm nai deaungkho y, amo theu naira nga ai.

SAM 43:4

Huna nai khala y aw Tameuh, kai ly nang i maicham mang y ahihawi ai. Kai ly nang teng i amo theu naira kanga nai ne. Aw Tameuh, kai i Tameuh, nang ai taro beu naimy kang palo ai.

SAM 65:4

Nang i Achura yhm y awm iy, nang teng y ahihawi ai nai nangmy vawi takhra nai khumichi ly taham hawi nai ne. Kaichi ly nangmy i yhm dengdairei hawi nairachi, nang i Achura yhm kachai i amtheaung nairachi nga u nai deaungkho y, paleung tienem ai.

SAM 71:23

Nang i vui taro beu nai thym khala y kai ly amo theu naimy khulym thui ai; nang ly kai ai atleu nai deaungkho y, kai ly paleung hawi verei khulym kathui ai.

SAM 96:6

Phum-ang hawi tahm asang nai sai ly mymy ai taki naimy awm bo; sa thai naira hawi apu parai naira ly Achura yhm y awm nai ne.

Solomon i khulym 1:4

Kai ai nang hawi vanrei hawi jo kyh ba, ani tako hawi kaliki sina; kai i samrang lawm ba, kai ai nang i yhm takun theung mang y pahawi ba. Ani ly amo theu naimy awm ahawi ai; kreip hang nei iy akhrei ahawi sina. Neampachy luteng my nang ai khrei nai ly lyh ai nai by y leang!

ISAIA 25:6

Ati cheaungkhang sa thai nai keung Areng ly Zion mawi salo y, khaileaung pri y awm nai khumi cheng cheaungkhangchi i vui, hawi keh nai teicha teineichi hawi, hawi keh nai kreip hangchi hawi, dym biu cha pawi pui sa pi ai.

JEREMIA 31:4

Kai ly nangchi ai kang palum ali teang ai. Nangchi ly katyn kapauchi beu iy, amo theu naimy lam u ai.