SAM 63:1 - Khumi Common Language Bible

¹ Aw Tameuh, nang ly kai i Tameuh ne nai deaungkho y, kai ly nang ai kadeaung nai ne. Kai ly tlang hawi paleung verei, nang ai ajeng naimy kadeaung bo; kai i phailo ly tui by y iy jengha nai khaileaung kamta, nang ai kadeaung bo.

SAM 63:1 ပူးပေါင်းရင်းမြစ်များ

2 SAMUELA 15:28

Hini sala y kai ly nang teng i satang ngo y ryrei ly daichi ka-vym y awm nai kady tuivum y ajeng ai,” napi.

1 NENG SATANG 16:14

Areng ly achi i Tameuh ne; mymy i leu pei naichi ly khaileaung pri verei i vui ne.

JOBA 8:5

Na i py vai, nang ly ati cheaungkhang sa thai nai keung Tameuh teng y ahihawi iy ahui ba.

SAM 118:28

Nang ly kaichi i Tameuh ne i, kaichi ly nang ai kawn naimy palo ai; kaichi ly nang i nang parai nai saichi amthang hai ai.

SAM 119:81

Aw Areng, kai ly nangmy atleu ai, nanai ajeng i atho khei be bo; kai ly nang i leu ai ym nai ne.

SAM 143:10

Nang ly kai i Tameuh ne; nang i kangai sa ai nai kai ai patiu pi kyh ba. Kai ai pahen parai naimy chymme naira lam patei kyh ba.

SAM 143:6

Kai ly kiu pheu naimy nang teng y chiu sa bo; tui ahai nai khaileaung kamta, kai i phailo ly nang ai kadeaung nai ne.

SAM 31:14

Na i py aw Areng, kai ly nang ai kang ym; Nang ly kai i Tameuh ne.

SAM 42:11

Kai ly ati mana nai y hina tanrei paleung atho di ai mo? Ati mana nai y paleung bi paleung mawn ai mo? Kai ly Tameuh ai athang khai ai; kai i atleu keung, kai i Tameuh ai kapalo bi ai.

SAM 5:3

Nang ly khawn mang i neng y kai i chiu sa nai raawi thai bo. Kani si nai neng khala y kai chiu kasa i, nang i pathang pi nai ajeng nai ne.

SAM 78:34

Na i py huni khumi phyreichi ai mymy dei hai teu i py, dei kamthunchi ly mymy teng y ali u teang nai ne. Nichi ly uikheih iy paleung apei parai naimy chiu sa u bo.

SAM 84:2

Huni meingtym y awm ai nai ngai parai! Kai ly Areng i Achura yhm i lengseaung apai ai kadeaung nai ne. Tameuh kangheng teng y, kai ly tlang phailo verei amo theu naimy palo nai khulym thui ai.

SAM 91:2

Mymy teng y, “Nang ly kai ai ama hai nai hawi kai i abyhra lengseaung yhm ne; nang ly kai i Tameuh ne i, kai ly nang ai ym nai ne,” nanai thui pajau ai.

THEU NAI 15:2

Areng ly kai i atho hawi ama hai nai keung, mymy leaungrei naini kai ai atleu nai keung ne; kai ly mymy ai palo ai. Mymy ly kai i ampo i Tameuh ne iy, mymy i nang parai nai sai ai kapalo ai.

THEU NAI 17:3

Na i py khumi mipuichi ly khri pa-rei tui ahai nai deaungkho y, Mosi ai josei u veangveang i ni teng y, “Ati mana nai kaichi ai Aikupta pri i nai theu hai mo? Kaichi hawi kaichi i cho chanauchi hawi tawnbawichi raurei tui kanghai y padei ai tau nai a?” napi u.

LEU KACHENG 8:17

Kai ai tamen nai khumi ai, kai py tamen; ami py ne sy, kai ai hau baly avum pajau.

Solomon i khulym 5:8

Jerusalem mary i neampachychi awi, kai i khrei nai keung ai nangchi avum u lawh baly, kai ly khrei phi nai paleung akawm naimy awm jo bo, nanai amti pi ai nai leu adeu u ba.

ISAIA 32:2

Nichi bawibawi py ali hawi alipui khupuira i nai abyh nai meingtym kamta lawm ai. Nichi ly khutaha meingtymra y leaung nai tavo micheaungchi hawi py, ati sai py prau y nai kani kabira y awm nai lengseaung pui ka-khui hawi py atawm ai.

ISAIA 35:7

Kabi ango parai nai speungchi ly tui sampum lawm iy, khutaha khaileaung py tuikhochi kawi mang naimy awm ai. Khivachi tlai reng nai meingtym y speung samji keung hawi japang uipo keungchi prau ai.

ISAIA 41:18

Kai ly ati sai py prau y nai mawi aheungchira y tavochi lawm hai iy, leaunghawichi hawi tavo micheaungchi lawm hai ai. Kai ly khutaha daichi ka-vym y tuipumchi lawm ai nai py, khutaha khaileaungchi ai, tuikhochi lawm ai nai py, amtlau hai ai.

JEREMIA 31:1

Areng my, “Kai ly Israela cheng bawibawichi i Tameuh lawm iy, nichi py kai i khumichi lawm u ai nai neng kani ly tym dudu bo.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

HOSEA 5:15

“Kai i khumichi ly mychi i kamngo molam y patang naira avum iy, kai teng y vawi teang nai neng tym nai ryrei, kai ly nichi ai khai su ai. Nichi ly ngari kamtang avum u nai thym khala, kai ai atho sa naimy hau u ai.”

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

MATTHAI 12:43

“Naibaly vawinam ly khumi i taku theung i dengdairei theu nai bo y tui by y nai meingtym y aleaung ryry i, anawn naira hau nai ngo y.

MATTHAI 6:33

Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

JOHAN 20:17

Naibaly Isu my ni teng y, “Kai ai amkhaw moh; kai ly vai khrairei Ampo teng y kalau y leang rai; na i py kai i amjo amnauchi teng y chei iy nichi teng y, ‘Ngaai hawi nangchi i Ampo kai i Tameuh hawi nangchi i Tameuh teng y kai kalau ai,’ napi tapi ba,” napi.

JOHAN 7:37

Naibaly pawi lui nai kani aly len keh nai khala y Isu ly angdo i, “Ami py tui ahai baly kai teng y jeu iy nei sy.

1 SAMUELA 22:5

Naibaly amo Kad ly Davida teng y chei i, ni teng y, “Nang ly hi y awm jo moh; Juda pri mang y vaimy chei vui,” napi. Hunai deaungkho y Davida ly Hereth daichi ka-vym mang y theu jo bo.