SAM 62:8 - Khumi Common Language Bible

⁸ Khumichi awi, Tameuh ai ly ym u jojo; nangchi i patang naira bawibawi ai, mymy teng y amti pi u; mymy ly achi i abyhra ne.

SAM 62:8 ပူးပေါင်းရင်းမြစ်များ

JOBA 13:15

Kai i vui ly athang khai naira by y bo i, Tameuh my kai ai dei hai teu i py, ati sai py ny y ai. Kai ly kaimy i sa nai sai, mymy teng y pany hai ai.

SAM 102:1

Aw Areng, kai i chiu sa nai tangai pi kyh ba; sabawm ai nai kai i aeu nai raawi tangai pi kyh ba!

SAM 142:2

Kai ly kaimy i ngai nai ngiereichi ai mymy teng y amti pi; kaimy i kamtang avum nai ngierei ly mymy teng y thui pi bo.

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 3:4

Kai ly Areng teng y kasabawmra nga ai nai aeu naimy hnei nai khala mymy ly mawi kachai mang dengdairei, kai i chiu sa nai raawi pathang pi.

SAM 37:3

Areng ai ym naimy kahawi so ly pri y chymme naimy awm ba.

SAM 42:4

Amo theu khulym thui naimy Tameuh ai palo iy, Tameuh i yhm mang y chei nai khumi mipuichi awi, kaimy kapahawi nai pany jo nai khala, kai ly paleung ama nai ne.

SAM 46:11

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 46:2

Hunai deaungkho y khaileaung ahyn naimy mawichi ly suida pangli theung y tla teu i py,

SAM 71:7

Nang ly kai i vui khaw parai nai abyhra ne nai deaungkho y, kai ly khumichi mo y atiura lawm bo.

SAM 91:2

Mymy teng y, “Nang ly kai ai ama hai nai hawi kai i abyhra lengseaung yhm ne; nang ly kai i Tameuh ne i, kai ly nang ai ym nai ne,” nanai thui pajau ai.

SAM 94:22

Na i py Areng ly kai ai ama hai bo; kai i Tameuh ly kai i abyhra ne.

LEU KACHENG 14:26

Areng ai jei kaji naimy tahm khai nai ly my hawi, my i yhm dengtheungchi ai chymme naira hawi, ka-ymra nga hai pajau nai ai.

ISAIA 26:16

Aw Areng, nang ly nangmy i khumichi ai pajeng nai deaungkho y, nichi ly khri pa-rei paleung bi naimy, nang teng y chiu sa u nai ne.

ISAIA 26:4

Areng ai ly ym u jojo; mymy ly achi ai ama hai jojo ai.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

TANGAM NAI LEU 2:19

Vumtorei ang thau krei ang thau krei iy, Areng ai palau ba. Mymy i mo y nang i paleung pathym apei ve iy, nang i cho chanauchi i vui y ahui naimy hnei takeng ba. Nang i cho chanauchi ly lam taki tavai tleirei y kajeu alam naimy dei u bo he!

PHILIPI 4:6

Ati sai py paleung bi u moh; ati cheaungkhangra y chiu sa nai hawi hnei nai ly kawn nai leu thui nai abawi iy, nangchi i ngai nairachi ly Tameuh teng y pany hai nai awm sy.

HEBRAI 6:18

Hunaibaly Tameuh ly ka-chawi thui ai nai vuilam ny y nai, pipi palai lawh thai y naira nyhrei tabom nai deaungkho y, achi, lawi naira hau naichi ly achi i mo y athang khai naira ang khai pi nai ai ly patawn thleng thai ai nai, khri pa-rei khaw hai naira nga thai ai.

I JOHAN 2:28

Hunaibaly bechi awi, mymy ly amteng iy py achi ly mymy i mo y kaji y nai vam parai pa-rei my awm pajau thai ai nai, mymy y awm u jojo.

1 SAMUELA 1:15

Hannah my, “areng awi, kai ly rah pavui y leang, rah py kanei y leang; kai ly khri pa-rei paleung hawi y i, kaimy i patang nai sai Areng teng y amti pi nai chiu kasa nai teu;