SAM 62:5 - Khumi Common Language Bible

⁵ Kai ly Tameuh ai naini abyh nai ne; mymy ai athang khai bo.

SAM 62:5 ပူးပေါင်းရင်းမြစ်များ

SAM 104:1

Aw Kai i phailo, Areng ai palo! Aw kai i Areng Tameuh, nang ly khri pa-rei nang parai! Nang ly sa thai naira phum-angchi hawi amthyp nai ne.

SAM 104:35

Khumi kamngochi ly khaileaung i dengdairei, tamyh nai avum u sy; khumi aso y naichi ly tamo u pawn na sy. Aw kai phailo, Areng ai palo! Areng ai palo!

SAM 146:1

Areng ai palo! Aw kai phailo, Areng ai palo!

SAM 37:34

Areng ai athang khai naimy reita leu pei naichi ai atyp ba. Mymy ly nang ai pri amtym ai nai pei iy, tahm pasang ai. Nang ly khumi hawi y naichi ai pri pala nai niu ai.

SAM 39:7

Hunai deaungkho y aw Areng, kai ly mani ai athang khai pajau ai mo? Kai ly nang ai athang khai nai ne.

SAM 42:11

Kai ly ati mana nai y hina tanrei paleung atho di ai mo? Ati mana nai y paleung bi paleung mawn ai mo? Kai ly Tameuh ai athang khai ai; kai i atleu keung, kai i Tameuh ai kapalo bi ai.

SAM 42:5

Kai ly ati mana nai y paleung ama lawh mo? Ati mana nai y paleung bi paleung mawn lawh mo? Kai ly Tameuh ai athang khai naimy kaawm ai. Kai i atleu keung, kai i Tameuh ai kapalo bi ai.

SAM 43:5

Kai ly ati mana nai y hina tanrei paleung atho di ai mo? Ati mana nai y paleung bi, paleung mawn mo? Kai ly Tameuh ai athang khai ai; kai ai atleu keung, kai i Tameuh ai kapalo bi ai.

SAM 71:5

Ati cheaungkhang sa thai nai keung aw Areng, kai ly nang ai angdeang nai ne; deaungdichy khala i dengdairei, nang ai kang ym bo.

JEREMIA 17:17

Nang ly kai ai kaso tahyn theu hai moh. Patang naira tym nai khala, nang ly kai i abyhra ne.

JEREMIA 9:7

Hini molam y ati cheaungkhang sa thai nai keung Areng my, “Kai ly tamo ngan patlawn iy pachai nai kamta, kai i khumichi ai chai pa-rei kasa ai. Nichi ai kaimy cham ai. Kai i khumichi ly sa tamang u bo. Kai ly nichi ai mana kasa ai mo?

JEREMIA 9:8

Nichi i palai ly dei asi kaleu nai thailiho chyn hawi atawm. Nichi ly li-tapawp nai leu avawrei katheu u nai ne. Khumi luteng ly amy i yhm deaungpachi teng y leu katui katheu reng teu i py, katheu tatang nai ly nichi i vui deaung pateung pi nai leu ne.

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.

HABAKKUK 2:3

Huni atitichi meitang khyp ang tym ai nai neng ly tym y leang rai. Na i py kaimy patei ai naichi tym angchi khyp ai nai neng ly ang tym kasa praw ryp ai. Huni neng ly tym patyh kyh ai nai athang khai. Na i py tym angchi khyp ai bo i, ajeng rym naimy awm ba, kra y leang mang.

ZEPHANIAH 3:8

Areng my, “Ajeng u jo; khumi cheaungkhangchi ai kai ang thau iy, thui tamawn nai neng kani ajeng. Kai i kado theu nai haiho avum ai nai, khumi cheaungkhangchi hawi pri tleitleireichi ai kachu ai nai, kai ly leu pacheang yb veng bo. Khaileaung pri verei ly kai i kado theu nai mai hawi kang iy phra veng ai.

PHILIPI 1:20

kai i athang khai naira hawi kai i ngai parai nai kamta ly, ati ra y py amthang hai leaung nai kaawm y ai i, vam parai naimy kawm reng nai kamta vai py hengra deaungkho y mo, deira deaungkho y, kai i tlang y ly Krista ai palo naira lawn lawh ai.