SAM 62:4 - Khumi Common Language Bible

⁴ Nangchi ly ni ai tahm asang naira i nai paka vui ai naini dawn tau u; nangchi ly katapawp leu katheu ai nai ngai u. Ni ai labeaung mang amtheaungra pei iy, paleung theung y ly pasawi u bo.

SAM 62:4 ပူးပေါင်းရင်းမြစ်များ

SAM 119:163

Kai ly ka-chawi thui nai ngiereichi ai niu ngai y i, kapaso; na i py nang i reita leu ai paleung apei nai ne.

SAM 28:3

Hawi y sa nai khumi kamngochi hawi vanrei, kai ai pajeng moh kyh ba. Nichi ly leu tui teu i py, niu ngai y nai paleung awm u nai ne.

SAM 5:9

Kai i paleung ka-echi i leu ai ly mana khala py ym ai nai ngo y. Nichi teng y taphra ai ngai nai paleung naini awm khyh. Nichi i labeaung ly am-eaung yb nai tavau pa-kho hawi atawm; nichi i palai py jypjyp naimy tapawp paryp reng nai ne.

SAM 51:6

Nang ly leu meitang ai khrei nai deaungkho y, kai i paleung y cheng naira kawi angym hai bo.

SAM 52:3

Nang ly kahawi tleaung y hawi y nai ai py, leu meitang tleaung y leu ka-chawi ai py nang keh bo.

SAM 55:21

Ni i leuchi ly thobai tleaung y panai iy, ni i paleung theung y ly niu ngai y reng nai ka-dawnchi awm; ni i leuchi ly asitui kamta panai i py, chiu parai nai haisau kamta, tamokalem nga hai reng nai ne.

LEU KACHENG 13:5

Neaung hawi nai khumi ly ka-chawi leu ai niu ngai y; na i py khumi hawi y naichi i leu ly tahm anem hai iy kaji ai nai hawi parai.

ISAIA 30:13

Nangchi ly kamngo pajeng ai ataing naichi ne. Nangchi ly akoprei nanai lengseaung apai ka-sang pui kamta, vaimy anawi u ai.

HOSEA 7:3

Areng my, “Khumichi ly mychi i hawi y nai katau molam y, samrang hawi ni i bangtangchi ai li-tapawp hyp bo.

MATTHAI 2:16

Hunaibaly Heroda ly khumi kechengchi my ni ai tapawp nai pany baly khrikhri pa-rei kado theu, naibaly khumi kachengchi teng y deng nai neng pany khyp nai kamta khumichi ai pato i, Bethlehem avang hawi huni tengtang bawibawi i saneng nyhrei akui neampacho deaungdi kangpen chauchau padei bo.

MATTHAI 22:15

Hunai thym khala y ly Pharisaichi ly mymy i leu thui naira y patiu thai ai nai sai arum u bo.

MATTHAI 22:23

Hunai kani teang angthau bi ai nai by y, nanai Saddukaichi ly mymy teng y chei u i ni teng y,

MATTHAI 27:1

Naibaly khawn mang y ly pathyp pi nai keung kalenchi hawi khumi hum miteaung kehchi bawibawi ly Isu ai padei ai nai sai arum u bo;

LUKA 11:39

Naibaly Areng my ni teng y, “Nangchi Pharisaichi ly khau hawi saibi ly salo mang paju veng; na i py nangchi i paleung y ly cha parawp ai nai hawi, kamngo nai kawi veng.

LUKA 20:20

Naibaly mymy ai ly aripeng i tara chih naira y hawi, aly peang naira y au thai ai nai, mymy i leu thui tamang naira amo jo ai nai, khen paryp nai khumi, khumi kahawi kamta awm hyp veng naichi ai py pato.

JOHAN 8:44

Nangchi ly ngampo Setan teng i theu nai i, ngampo i ngai phi teng y nai sa ai nai ngai chy bo. Ni ly angchei kha i dengdairei khumi ai padei nai keung ne, naibaly ni teng y leu meitang ha py by y nai deaungkho y mymy ly leu meitang y awm y leang. Mymy ly ka-chawi thui nai khala y amy i satang thui khyp nai ne: ati mana nai mo nabaly mymy ly ka-chawi thui nai keung ne, ka-chawi ampo py ne.

ROM AVANGCHI TENG Y PAWLA I CHA PA NAI 1:32

hunai ka-tawm atiti sa nai keungchi ly dei ai nai ataing, nanai Tameuh my khai rym nai ly pany u jo iy, mymychi my sa nai khyh py ny y naimy, khumi takhrachi i sa reng naira y py kawn u lawh.

ROM AVANGCHI TENG Y PAWLA I CHA PA NAI 7:22

Kai i paleung tatang y Tameuh i Reita tleaung y kakawn lawh veng;

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.