SAM 62:2 - Khumi Common Language Bible

² Mymy naini kai i abyhra lengseaung, kai ai atleu nai keung ne; mymy ly kai i khengsi apai lawm bo; kai ly mana khala py sum ai ny y.

SAM 62:2 ပူးပေါင်းရင်းမြစ်များ

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 21:1

Aw Areng, nang ly samrang teng y atho haiho pei nai deaungkho y ni ly amo theu; nang ly tavai eaung hai nai deaungkho y, ni ly khri pa-rei amo theu bo.

SAM 27:1

Areng ly kai i kangvang, kai i atleu keung ne. Kai ly ami ai jei hyn ai mo? Areng ly ka-jeira cheaungkhang i nai kai ai ama hai bo. Kai ly jei hyn ai ny y.

SAM 37:24

Areng ly nichi ai sabawm pi ai i, nichi ly atlym i py, ang thau y naimy awm ai ny y.

SAM 37:39

Areng ly khumi meitangchi ai atleu bo. Patang nairachi avum nai khala, nichi ai ama nai ne.

SAM 59:17

Kai mang y ama hai nai keung, kai ly nang ai kang palo ai; Tameuh ly kai i abyhra, kai ai tamen nai keung Tameuh ne.

SAM 59:9

Kai ly nang i sa thai naira ai ym; aw Tameuh, nang ly kai i abyhra ne.

SAM 62:6

Nang naini kai i abyhra lengseaung, kai ai atleu nai keung ne; nang ly kai i khengsi apai kamta ne; kai ly mana khala py sum ai ny y.

SAM 89:26

Ni ly kai teng y, “Nang ly kai i ampo hawi kai i Tameuh, nang ly kai i abyhra hawi kai i atleu keung ne,” nanai thui ai.

ISAIA 26:4

Areng ai ly ym u jojo; mymy ly achi ai ama hai jojo ai.

ISAIA 32:2

Nichi bawibawi py ali hawi alipui khupuira i nai abyh nai meingtym kamta lawm ai. Nichi ly khutaha meingtymra y leaung nai tavo micheaungchi hawi py, ati sai py prau y nai kani kabira y awm nai lengseaung pui ka-khui hawi py atawm ai.

TANGAM NAI LEU 3:26

Hunai deaungkho y achi ai atleu ai nai, mymy ai paleung sau parai naimy ajeng nai ly achi i vui hawi keh.

I KORINTH 10:13

khumi i kham pajau ai nai ryrei ny y baly parawi naira nanai ly nangchi i tlang tleaung y pipi tym vai y leang. Na i py Tameuh ly ka-ym awm nai ne, ni my ly nangchi kham pajau ai nai ryrei ny y baly parawi naira avum ai nai pei y ai; na i py nangchi kham pajau thai ai nai, parawi naira hawi vanrei nangchi i theu ai naira lam ang sa pi ryp ai.