SAM 62:10 - Khumi Common Language Bible

¹⁰ Khrukhra naira ai a-ym u moh; lawm nai kalop hawi ly hawi naira nga ai, nanai athang khai u moh; nangchi i yhmtheaung katuichi ly peung hai teu i py, hunichi ai a-ym u moh.

SAM 62:10 ပူးပေါင်းရင်းမြစ်များ

JOBA 20:19

Ni ly khumi kamawnchi ai ana iy tahm khai y naimy, ami i sa yb nai yhm hlauchi lawm vui nai deaungkho y, my i yhmtheaung katui amtym ai ny y.

JOBA 20:29

Huni ly khumi hawi y naichi i khym taham ne. Huni ly nichi i vui Tameuh my, khai pi yb nai khym taham ne.

SAM 39:6

Pa-pui kamta tanareichy heng khyh. Ni i sa nai leaungsaichi ly atyhtyh teu; ni ly yhmtheaung katui pateung achu teu i py, mani ai ly ami my amtym ai mo, nanai ni ly pany y leang.

SAM 4:3

Areng ly mymy i vui molam y khumi kahawi ai vawi takhra nai ly pany u ba. Kai palau nai khala y mymy ly tangai pi bo.

SAM 49:6

Nichi ly mychi i yhmtheaung katui ai a-ym nai khumichi, nang chawn naira y amlyh nai khumichi ne.

SAM 52:7

“Amy i chymme ai nai i vui y Tameuh ai ym ai nai tleaung y ly amy i nang chawn naira ai a-ym nai khumi ai khen u; ni ly my i hawi y naira molam y, amy i chymme naira hau nai khumi ne,” nanai thui u ai.

SAM 91:14

Tameuh my, “Kai ai tamen nai khumichi ai kaimy atleu ai; kai ai Areng ne, nanai pany nai khumichi ai ly kaimy ama hai ai.

LEU KACHENG 23:5

Nang i paisa tangkachi ly pakhi sai iy, ahm i angkheang nai kamta, mei amsynrei sala y tama pajau nai ne.

ISAIA 28:15

Nangchi ly dei areng hawi amsawi amnai asa chum bo, nanai py, tavau pri hawi ka-ly nga bo, nanai py, amlyh u reng. Nangchi ly li-tapawp nairachi ai a-ym naimy chymme naira hau nai deaungkho y, ka-jeira tym nai khala py tlang hengra nga ai, nanai ym u cheng nai ne.

ISAIA 30:12

Na i py Israela chengchi i chai parai nai Tameuh my, “Nangchi ly kai i leu tahm khai u y naimy, khrukhra naira hawi tapawp naira naini a-ym u bo.

ISAIA 40:15

Areng mo y khumi cheng cheaungkhangchi ly ati sai py ny y. Nichi ly tui paleaungdy nai ryrei khyh. Kamlora i tlawnchi py tamaiham tanrei kaji awm khyh nai ne.

ISAIA 40:17

Khumi cheng cheaungkhangchi ly mymy i mo y ati sai py ny y leang.

ISAIA 47:10

“Nang ly hawi y naichi sa iy, amymy ai ne bo, ami py niu y, nanai athang khai lawh. Nang i cheng naira hawi pany thai nairachi my, nang ai lam tamang hai bo. Nang ly nangmy ai, ‘Kai ly Tameuh ne, kai ka-tawm khumichi theung y by y,’ nanai thui bo.

ISAIA 59:4

Nangchi ly tara jeung y chei i py, adyh adawi nai by y, kateng lam mang y awm u y nai ne. Nangmychi i tara eaung ai nai molam y, ka-chawi leura y abyh iy a-ei u atyhtyh bo.

ISAIA 61:8

Areng my, “Kai ly leu meitang adyh adawi nai ai kawn, lawm nai hawi pahyp y naimy ana nai ai ly niu ngai y. Kai i khumichi teng y ka-ym awm nai kawn vang pei ai Nichi hawi py deungtasarei leu maikawm asa ai.

JEREMIA 13:25

Hini ly nangmychi i khym taham ne ai, nanai Areng my leu pei bo. Nangchi ly mymy ai tami u iy, tameuh ka-chawichi ai ym u lawh nai deaungkho y, mymy ly nangchi i tlang tleaung y, hina nai kamta tym hai nai ne.

JEREMIA 17:11

Teng y nai lam hawi paisa tangka ko nai khumi ly amy kadui y nai kaduichi ai oh nai tavo hawi atawm. Ni ly hawithym hawisai khala my, yhmtheaung katuichi phra iy, kangkhym y ly khumi ka-khum lawm lawh nai ne.

MARKA 10:23

Naibaly Isu ly khen akiprei i abangnaichi teng y, “Yhmtheaung nang naichi ly Tameuh i peang naira y kun ai nai mana tanrei rai na mo?” napi.

I TIMOTHEI 6:10

Tangka yhmtheaung ai khri pa-rei ngai nai ly kamngo neangneang i pakeung ne; phyreichi ly huni ai paleung no i ym naira ai ly khai su iy, amymy ai paleung mawn naira khri pa-rei nawi nai my ly athun krai veng lawh.

I TIMOTHEI 6:17

Hini khaileaung pri y nang naichi ly am-e y ai nai hawi, khaw y nai yhmtheaung ai ny y naimy, atiti bawibawi kawn ai nai khri pa-rei ang pei reng nai keung Tameuh ai athang khai ai nai pachei.