SAM 62:1 - Khumi Common Language Bible

¹ Tameuh my kai ai atleu ai nai, kai ly paleung sau parai naimy ajeng bo; kai ly mymy ai naini abyh nai ne.

SAM 62:1 ပူးပေါင်းရင်းမြစ်များ

1 NENG SATANG 25:1

Davida my Levi theaung miteaung kehchi ly chiu sa naira y lu sa ai nai Asap, Heman hawi Jeduthun nupaichi ai vawi takhra u bo. Nichi ly taro katyn, sa-ra katynchi hawi amkawm iy, Tameuh i leu thui u. Chiu sa naira y lu sa ai nai vawi takhra naichi hawi, nichi i sa ai nai kalopchi ly anui

1 NENG SATANG 25:3

Jeduthun i chapochi napi nai Kedalia, Zeri, Jeshaia, Shimei, Hashabiah hawi Matithiachi ly mymychi ampo my leu pei nai tangai iy, taro katyn hawi amkawm naimy Tameuh i leu thui nai, Areng ai palo nai, kawn naimy palo naichi sa u bo.

SAM 121:2

Kai ai sabawm ai nai ly kani hawi khaileaung ai sa nai keung Areng teng i dengdairei nga ai.

SAM 123:2

Miseaung ly my i yhmkeung ai py, miseaungnu ly my i yhmkeungnu ai py, ym nai kamta kaichi ly kaimychi Areng Tameuh teng i pahen naira ngo y ryrei ly nang ai khen angdeang naimy awm jo ai.

SAM 25:5

Nang ly kai ai atleu nai Tameuh ne nai deaungkho y, nang i leu meitang kamta sa iy teaung thai ai nai kai ai patiu pi kyh ba. Kai ly nang ai ym jojo nai ne.

SAM 27:14

Areng ai ly ym ba. Paleung phra moh; ym naira awm. Areng ai ly ym.

SAM 33:20

Achi ly Areng ai ajeng u bo. Mymy ly achi ai sabawm iy, ang kry nai ne.

SAM 37:39

Areng ly khumi meitangchi ai atleu bo. Patang nairachi avum nai khala, nichi ai ama nai ne.

SAM 37:7

Mymy i sa pi nai ai kham tanga naimy ajeng; nang chawn nai khumichi molam py, khumi hawi y naichi i katau eaung nai molam py, paleung bi moh.

SAM 39:1

“Kaimy i sa nai sai molam y adawn patyp ai; labeaung hawi malawn py tamang y ai nai adawn patyp ai. Khumi hawi y nai sahawi y kaawm nai thym khala y, kai ly ati sai py katheu y naimy awm ai,” nanai kai ly thui bo.

SAM 40:1

Areng my sabawm ai nai kai ly kham tanga naimy ajeng nai khala y, mymy ly kano patheung iy, kai i aeu nai raawi thai bo.

SAM 62:2

Mymy naini kai i abyhra lengseaung, kai ai atleu nai keung ne; mymy ly kai i khengsi apai lawm bo; kai ly mana khala py sum ai ny y.

SAM 65:1

Aw Tameuh, nang ly chiu sa hnei takeng naichi ai pathang pi reng nai deaungkho y, kaichi ly Zion mary y nang ai palo ai ataing nai ne.

SAM 77:1

Kai ly Tameuh teng y tao pajeng parai naimy aeu bo; kai ly tao pajeng parai nai aeu nai y mymy ly thai nai ne.

ISAIA 12:2

Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 40:31

Na i py Areng i kasabawmra ai ym nai khumichi ly atho kangtha nga u ai. Nichi ly ahmtlau kamta akheang thai ai. Angpreng i py akawm u ai ny y. Khuleaung chei i py paha u ai ny y.

JEREMIA 3:23

Mawi saleungchira chiu sa nai molam y, kaichi kasabawmra ngo u y. Israela chengchi i vui sabawm naira ly kaichi i Areng Tameuh teng i naini nga pajau khyh.

TANGAM NAI LEU 3:25

Areng ly mymy ai ym nai khumi lutengchi teng y ly hawi hai reng.

TANGAM NAI LEU 3:38

Hawi nai hawi y nai ly mymy i leu pei nai kamta, lawm nai ne.

JAKOB 5:7

Hunaibaly amjo amnauchi awi, Areng jeu y ryrei ly kham tanga pa-rei awm u. Khen cham, hlau sa nai khumi ly kani nai angchei nai hawi, nai pakhym nai kani palo y ryrei ly khaileaung i athai teng parai nai ly kham tanga pa-rei ajeng.