SAM 61:2 - Khumi Common Language Bible

² Kai ly yhm hawi palo i, paleung phra atho di nai deaungkho y, nang ai aeu naimy palau bo! kai ai chymme naira mang y pahawi kyh ba.

SAM 61:2 ပူးပေါင်းရင်းမြစ်များ

SAM 142:3

Kai ly paleung phra nai khala y kai i tako ai nai lam mymy pany nai ne. Kai i tako nai lam y paleung ka-echi ly kai i vui deaung pateung pi yb bo.

SAM 143:4

Hunai deaungkho y kai ly kasum pei ai nai angchi yb bo; khri pa-rei paleung phra atho di na bo.

SAM 17:1

Aw Areng, adyh adawi ai nai molam y, kai i takeng nai tangai pi kyh ba. Kasabawmra nga ai nai kai i aeu nai raawi dawn pi patyp kyh ba! Kai ly neaung hawi parai naimy hnei takeng nai ne i, kai i chiu sa nai tangai pi kyh ba.

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 18:46

Areng ly heng nai ne! Kai ai ama hai nai keung ai ly palo u! Kai ai atleu nai Tameuh ly nang parai nai ne, nanai palo nai aeu u.

SAM 27:5

Patang naira tym nai neng khala y, mymy ly kai ai ang kry ai. Achura yhm y chymme naimy ang khai ai. Patang naira avum y ai nai lengseaung pui saleung y ang khai ai.

SAM 40:2

Mymy ly ka-jei awm parai nai angawm hawi aneaung kapan theung i nai, kai ai atheu kalau bo. Hunaibaly kai ai lengseaung salo y khai iy, chymme naira ang pei bo.

SAM 42:6

Pri pala naira kai avum nai thym khala, kai i paleung si parai nai ne. Naibaly kai ly nang ai kapany jo nai ne. Nang ly Heramon mawi hawi Mizara mawi dengdairei, Jordan tavo y kaleng tui leaung nai kamta, paleung mawn nai tui sampyhchi pato pi iy, katyn kamsau ly kai ai ang khiu na bo.

SAM 43:5

Kai ly ati mana nai y hina tanrei paleung atho di ai mo? Ati mana nai y paleung bi, paleung mawn mo? Kai ly Tameuh ai athang khai ai; kai ai atleu keung, kai i Tameuh ai kapalo bi ai.

SAM 55:5

Jei hyn nai hawi khri pa-rei kaso theu nai awm bo.

SAM 62:2

Mymy naini kai i abyhra lengseaung, kai ai atleu nai keung ne; mymy ly kai i khengsi apai lawm bo; kai ly mana khala py sum ai ny y.

SAM 62:6

Nang naini kai i abyhra lengseaung, kai ai atleu nai keung ne; nang ly kai i khengsi apai kamta ne; kai ly mana khala py sum ai ny y.

SAM 77:3

Kai ly Tameuh i satang adawn pasym nai khala, taho sum na bo; kai ly hawihai palai dawn pasym nai khala y, paleung phra atho di na bo.

ISAIA 32:2

Nichi bawibawi py ali hawi alipui khupuira i nai abyh nai meingtym kamta lawm ai. Nichi ly khutaha meingtymra y leaung nai tavo micheaungchi hawi py, ati sai py prau y nai kani kabira y awm nai lengseaung pui ka-khui hawi py atawm ai.

ISAIA 54:11

Areng my, “Aw Jerusalem mary, patangra tym iy jeaungmang nai mary ne nai, awm hai nem nai keung leaungrei py by y nai mary awi, kai ly langdengchi ai, vang kateng lengseaungchi hawi sa palai teang ai.

LUKA 22:44

Naibaly mymy ly khrikhri pa-rei phailo seaung i, chiu sa patyp bi, naibaly mymy i ka-ui ly thi amai len parai nai kamta khaileaung y leaung.

Leu Thui Nai 4:29

Hu y nangchi ly nangmychi i Areng Tameuh ai kadeaung u ai. Nangchi i paleung phailo verei hawi hau u baly, mymy ai avum u ai.