SAM 60:3 - Khumi Common Language Bible

³ Nang ly nangmy i khumichi ai, patang naira tym hai bo; kaichi ai nei cha ala nai khumichi kamta, atlym hai khikha na bo.

SAM 60:3 ပူးပေါင်းရင်းမြစ်များ

NEHEMIA 9:32

“Aw Tameuh, kaichi i Tameuh, nang ly khri pa-rei tahm asang parai na ly! Khri pa-rei jei hyn ai nai hawi iy, sa thai naira len parai na ly! Nang ly nangmy i Leu Maikawm molam adeu naichi ai ka-ym awm naimy kry bo. Kaichi ly kaimychi teng y Asuria samrangchi my ana kali kachi nai neng dengdairei, vaini khrairei ngari kamtang ka-vum u na bo ly! Kaichi i samrangchi, lu sa naichi, pathyp pi nai keungchi, amochi, kaimychi i amsi pajochi hawi mipui bawibawichi ly ngari kamtang avum u bo. Kaichi mana tanrei ngari kamtang avum mo, nanai pany pi jo kyh ba!

SAM 71:20

Nang ly kai ai khri pa-rei patang nairachi avum hai teu i py, nang ly kai ai atho awm hai teang iy, deira i nai atleu pi bo.

SAM 75:8

Areng ly kado theu naira napi nai ma-hang nai kreip hang khau ly mymy i kiu y syn. Huni kreip hang ai mymy lei nai khala, khumi hawi y naichi ly nei u bo; nichi ly maidenreichy py by y na pa-rei nei u pyn nai ne.

SAM 80:4

Ati cheaungkhang sa thai nai keung Areng Tameuh, nang ly mana tanrei, nangmy i khumichi chiu sa nai ai kado theu naimy awm ai mo?

SAM 80:8

Nang ly Aikupta pri i kreip keung syn iy, cheng takhrachi ai patheu pawn chum baly, nichi i pri y huni kreip keung ui bo.

SAM 85:5

Nang ly kaichi ai avawrei kado theu hai ai a? Nang i kado theu nai ly mana khala py rym y ai bo a?

SAM 89:39

Nang i miseaung hawi asa nai Leu Maikawm ly taphra vui bo; ni i samrang lukhym py, khaileaung y pala vui bo.

ISAIA 51:17

Aw Jerusalem mary, anglaw jau! Amymy ai apalaw ly ang thau jau! Areng my kado theu nai deaungkho y, nang ai pei nai khaura i pajeng nai kreip hang nang ly nei bo. Huni ai nei nai deaungkho y pavui tapai nai ne.

ISAIA 51:22

Nangchi i Areng Tameuh ly nangchi ai ang kry iy, “Kaimy nangchi teng y kado katheu ang pei nai khau ly nangchi teng i nai kang la pi ali teang ai. Nangchi ai pavui tapai hai nai kreip hang ly nangchi nei u ali bi ai ny y.

JEREMIA 25:15

Israela chengchi i Areng Tameuh my kai teng y, “Nang ly kai i kado theu naira kawi nai hini kreip hang khau ai, kai teng i nai la iy nang ai kang pato nai khumi cheng cheaungkhangchi ai panei.

TANGAM NAI LEU 4:21

Edom pri hawi Uz pri y awm nai khumichi awi, panui u; nangchi amo theu pajau nai neng y, amo theu naimy awm u. Nangchi avum ai nai patang nairachi py, ang tym ai mang; nang py ateaung by y naimy atlym khikha iy, kangji nga ai.

DANIELA 9:12

Nang ly nangmy i leu pei nai kamta, kaichi hawi kaichi ai peang nai khumichi ai kamngo pajeng bo. Jerusalem mary ai khaileaung pri i takhra marychi tleaung y, khri pa-rei kamngo pajeng nai ne.

HABAKKUK 2:16

Nangchi ly tahm awm ai nai tleaung y, kangji nga ai nai neng tym ai. Nangmychi kypkyp py, neicha iy pavui tapai u ai. Areng ly nangchi ai kamngo pajeng nai khau nei hai ali teang iy, nangchi i tahm awm nai ai ly kangji nga nai mang y tym hai ai.

AMTENG HAI NAI 16:19

Naibaly avang pui my ly phy thomrei lawn i, cheng cheaungkhangchi i avangchi py anawi be bo; naibaly mymy i kado theu nai ka-teng ny y nai kreip athai hang khau ly huni teng y tuih ai nai, Babulon avang pui ly Tameuh i mo y pany jo nai awm bo.

AMTENG HAI NAI 18:16

Tanarei sala chy y huna tanrei nang naira ly ati sai py ny y nai palawn na ly,’ nanai vo nai hawi paleung mawn nai py mymy i no patang nai sai jei nai deaungkho y kamlo ra y angdo u ai.