SAM 60:1 - Khumi Common Language Bible

¹ Aw Tameuh, nang ly kaichi ai khai su iy sum hai; nang ly kaichi ai kado theu hai bo. Na i py vai, kaichi teng y jeu ali teang ba.

SAM 60:1 ပူးပေါင်းရင်းမြစ်များ

2 SAMUELA 10:16

Samrang Hadadeza ly Euphrat tavo nisi mang i Suria khumichi ai palau i, nichi ly samrang Hadadeza i tavailu areng Sobach my lu sa iy, Helam mary y tym u nai ne.

2 SAMUELA 5:20

Naibaly Davida ly Bala Perazim mary mang y chei i, Philistia chengchi ai tiu nai pajau chum baly, Areng ly tavo tui kaho lem hai heu nai kamta, kai i paleung ka-echi ai panawi bo,” nanai thui. Hunai deaungkho y huni meingtym ai ly Bala Perazim, nanai amyn pathi nai ne.

2 SAMUELA 8:14

Ni ly Edom pri verei y tavai tairachi sa nai deaungkho y, huni pri i khumichi ly ni i anui y awm u. Areng ly Davida i tavai thau naira tleirei y eaung hai nai ne.

2 SAMUELA 8:3

Naibaly Rehob i chapo Zobah samrang Hadadeza ly tleaung mang Euphrat tavo sahawi i khu ka-peaung nga teang ai nai tiu nai thym khala y, Davida my ni ai tiu i pajau vui bo.

2 ARENG KEH 14:7

Amazia ly palawi leaunghawira y Edom tavaimi leaung 10,000 reichi ai padei. Ni ly Selah mary py peang vui iy mary amyn py palai vui i, Jothela mary nanai vaini khrairei palau jo nai ne.

1 NENG SATANG 18:3

Hunaibaly samrang Davida ly Hamath mary sahawi y Zobah samrang Hadadeza ai tiu. Ati mana nai mo na baly Hadadeza ly Euphrat tavo tleaung mang i khu peang vui ai nai atho sa nai deaungkho y ne.

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

2 NENG SATANG 25:11

Amazia ly atho ala iy mymy i tavaimi kamkawm ai lu sa naimy, pangli kadei tokalawi palawi leaunghawi mang y amsa bo. Huni meingtym y tavai atiu u i, Edom risa leaung 10,000 rei padei u bo.

SAM 108:11

Nang ly meitang khyp naimy, kai ai khai su nai bo a? Nang ly kai i tavaimichi hawi vanrei, tavai thau y ai bo a?

SAM 44:9

Na i py vai ly nangmy kaichi ai khai su iy sum hai bo. kaichi i tavaimi kamkawmchi hawi vanrei, tavai thau hai y bo.

SAM 59:1

Kai i Tameuh, kai ai paleung ka-echi kiu i nai atleu kyh ba; kai ai ang tiu nai khumichi teng i nai amo hai ly kry kyh ba!

SAM 59:11

Aw Tameuh, nichi ai padei moh ba; padei lawh baly kai i chengchi ly pany jo y ai i, tami veng ai. Kaichi ai ama hai iy kry nai keung aw Areng, nang i sa thai naira hawimy huni khumichi ai ahei hai phro iy, sum hai ba.

SAM 60:10

Nang ly kaichi ai khai su tatang nai bo a? Kaichi i tavaimichi hawi vanrei, tavai thau y naimy awm ai bo a?

SAM 74:1

Aw Tameuh, nang ly ati mana nai y kaichi ai, hina nai kamta khai su lawh mo? Nang ly nangmy i khumichi ai avawrei kado theu hai jojo ai bo a?

SAM 79:5

Aw Areng, nang ly kaichi ai kado theu naimy awm jojo ai bo a? Nang i kado theu nai ly rym y naimy, mai kamta angveaung jojo ai bo a?

SAM 79:9

Aw Tameuh, kaichi ai sabawm ly atleu kyh ba; nang i amyn saho y kaichi ai atleu iy, kaichi i kamngochi py pahen pi kyh ba.

SAM 80:1

Israela chengchi i beram typ nai keung awi, kaichi i hnei takeng nai tangai pi kyh ba. Beram kanghuchi ai pahawi nai keung awi, kaichi i hnei takeng nai tangai pi kyh ba. Kheruben salo y awn nai keung awi,

SAM 80:3

Aw Tameuh, kaichi ai vawi ali teang hai kyh ba! Kaichi teng y pahen naira pei kyh ba; naibaly kaichi ly atleu naira nga u ai!

SAM 85:4

Kaichi ai atleu nai keung aw Tameuh, kaichi ai ali hai teang kyh ba; kaichi ai khrei y nai awm vui moh ba!

SAM 89:19

Jangni khala y nang ly ka-ym awm nai miseaungchi teng y amteng hai nai ly “Amyn amthang nai sorai risachi ai kaimy sabawm bo; kaimy khumi theung i nai leaungrei ai vawi takhra iy, samrang atehra kapei pi bo.

SAM 89:3

Nangmy ly “Kaimy vawi takhra nai khumi hawi Leu Maikawm asa bo; kai i miseaung Davida teng y,

SAM 89:38

Na i py nang ly nangmy khai takhra nai samrang ai kado theu hai bo; nang ly ni ai khai su bo, ni ai nyn va bo.

SAM 89:7

Nang ly khumi kachaichi i council ra y, tahm pasang ai nai ataing nai ne’ nichi ly nang ai khri pa-rei jei naimy tahm khai u bo.

SAM 90:13

Nang i kado theu nai ly mana tanrei kra na pa-rei, rym y naimy awm ai mo? Aw Areng, nang i miseaungchi ai pahen kyh ba!

ZEKHARIAH 10:6

“Kai ly Juda khumichi ai atho awm hai iy, Israela khumichi ai atleu ai. Kai ly nichi ai pahen iy, mychi i saleaung khuteng mang y pahawi teang ai. Nichi ly kaimy mana khala py khai su vai y nai khumichi kamta lawm ai. Kai ly nichi i Areng Tameuh ne iy, nichi i chiu sa nai pathang pi ai.

1 SAMUELA 13:11

Samuela my, “Nang ly mana sa vui lawh mo?,” nanai deng. Sawla my, “Khumichi ly kai teng i nai preang u dudu bo; nang ly adeu nai neng y tym y lawh; naibaly Philistia chengchi ly Mikhama mary y a-engchu na bo.

1 SAMUELA 4:17

Satang syn nai keung my, “Israela chengchi ly Philistia chengchi teng y tavai sum i, angpreng u pawn veng bo; huni tavai keung y kaichi ly khri pa-rei sum na ly! Huni bo y nang i chapo Hopheni hawi Phineha nini py dei bo; naibaly Tameuh i Leu Maikawm Pawm py, paleung ka-echi i kiu y tym veng bo!” napi.