SAM 6:9 - Khumi Common Language Bible

⁹ Sabawm naira nga ai nai kai i hnei nai raawi thai bo; kai i chiu sa nai pathang pi ai.

SAM 6:9 ပူးပေါင်းရင်းမြစ်များ

2 NENG SATANG 34:27

Jerusalem mary i khumichi ai pajeng ai nai kaimy leumo pei nai thai nai khala y, nang ly vo bo; nangmy i ateaungchi sei iy uikheih naimy, kai i mo y paleung apanem nai ne. Naibaly kai ly nang i chiu sa hnei takeng nai thai nai deaungkho y,

SAM 118:5

Kai ly khri pa-rei patang naira avum nai deaungkho y, Areng teng y chiu kasa; mymy py pathang i, kai ai lawi naira nga hai bo.

SAM 120:1

Kai ly patang naira avum nai khala y Areng ai kapalau i, mymy ly pathang pi bo.

SAM 138:3

Nang ai kaimy palau nai khala y nang ly pathang iy, kai ai atho kangtha pei panawi bo.

SAM 3:4

Kai ly Areng teng y kasabawmra nga ai nai aeu naimy hnei nai khala mymy ly mawi kachai mang dengdairei, kai i chiu sa nai raawi pathang pi.

SAM 31:22

Nang ly kai ai nangmy mo i dengdairei patheu veng bo, nanai y kai ly jei naimy paleung mawn parai nai ne. Na i py nang teng y kasabawmra nga ai nai aeu nai khala, nang ly kai i aeu nai raawi thai bo.

ISAIA 38:5

Hezekia teng y pato ali teang bi i, “Nang i amsi pajo Davida i Tameuh kai, Areng ly nang i chiu sa hnei takeng nai thai i, nang i meikatuichi kaniu bo. Kai ly nang ai mo mang y saneng holai pangrei heng ai nai kang pei ai.

TANGAM NAI LEU 3:56

Huna nai kaau nai raawi tangai ai nai, kai i takeng nai khala nang ly thai.

JONA 2:2

“Aw Areng, kai ly patang naira avum nai deaungkho y, nang teng y kang kaau bo. Nangmy py thai nai ne. Kai ly dei kho peang i dengdairei nang ai kang kaau nai raawi ly nangmy thai bo.

JONA 2:7

Kai ly dei enten nai neng khala, aw Areng, kai ly nang teng y chiu kang sa. Nang py nangmy i Achura yhm kachai mang my, kai i chiu sa nai raawi tangai pi kyh ba.