SAM 59:5 - Khumi Common Language Bible

⁵ Aw ati cheaungkhang sa thai nai Areng Tameuh, ang thau iy kai ai sabawm ai nai jeu kyh ba; Israela chengchi i Tameuh, nangmy kypkyp khen kyh ba! Angthau iy tameuh pany y nai khumichi ai kamngo pajeng kyh ba; hawi y iy ka-ym by y nai khumichi ai pahen moh ba.

SAM 59:5 ပူးပေါင်းရင်းမြစ်များ

ATITI AWM ANGCHEI NAI 33:20

Ni ly hu y maicham sa i El, nanai amyn pathi. Huni ly Israelachi i Tameuh, nanai sai ne.

SAM 54:3

Paleung len amlyh nai khumichi ly kai ai tiu ai nai ang jeu u bo; Tameuh ai tahm khai y iy, pahyp y naimy ana nai khumichi ly kai ai padei ai nai atho sa u bo.

SAM 55:15

Kai i paleung ka-echi ly dei kani tym y naimy dei u sy; kangheng tang naimy tavau kho y chei u sy! Nichi i yhmchi ly hawi y naira kawi nai meingtymchi ne; nichi i paleung ly hawi y naira kawi na bo.

SAM 7:7

khumi bawibawichi ai nangmy i sahawi y angym hai chum baly, salo mang my nichi ai peang ba.

SAM 80:4

Ati cheaungkhang sa thai nai keung Areng Tameuh, nang ly mana tanrei, nangmy i khumichi chiu sa nai ai kado theu naimy awm ai mo?

SAM 84:8

Ati cheaungkhang sa thai nai keung Areng Tameuh, kaichi i chiu sa nai tangai pi kyh ba; Aw Jakob i Tameuh, tangai pi kyh ba!

SAM 9:15

Myn y chiu nai khumichi ly mychi i tai nai angawm theung y tla u. Mymychi i pateung nai deaungra y my, man u ali teang bo.

THEU NAI 20:5

Kai ly nangchi i Areng Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai.

THEU NAI 3:15

Naibaly Areng my Israelachi teng y, “Nangchi i amsi pajochi i Areng, Abraham i Tameuh, Isaka i Tameuh, Jakob i Tameuh napi nai Areng Tameuh my nangchi teng y kai ai ang pato nai ne,” nanai Israela chengchi teng y thui pi ai nai tla. Huni amyn ly deungtasarei kai i amyn ne; momang i deung kangthauchi ly huni amyn hawi kai ai palau u ai.

ISAIA 1:10

Aw Jerusalem mary, nang ai peang nai samrangchi hawi nang i mary khumichi ly Sodom mary hawi Komora mary i khumichi hawi atawm. Nang ai Areng my leu pei nai tangai ba. Achi i Tameuh my parip nai tangai ba.

ISAIA 27:11

Dengkeaung changpichi ly aheng iy deirawm nai deaungkho y, neampachychi ly chei i, theng ei u nai ne. Khumichi ly pany thai naira by y nai deaungkho y, nichi ai sa nai keung Tameuh ly nichi ai pahen nai, tamen nai awm ai ny y.

JEREMIA 18:23

Na i py aw Areng, kai ai padei ai nai dawn paviu nai khumichi ai, nang ly pany nai ne. Nichi i hawi y nai sai pahen pi moh ba. Nichi ai mychi i kamngochira i nai lawi tleaung hai moh kyh ba. Nichi ai sum hai iy kado theu nai thym khala, nichi ai pasum takengkei kyh ba,” nanai takeng bo.

DANIELA 6:7

Samrang nang my leu pei nai harei thai hai ly huni leu pei nai ai khumichi my tangai iy sa khyp ai nai, lu sa nai kamkawmchi, bangtang kalenchi, pa-nyh bangtang kalenchi hawi tau pei nai miteaung kehchi napi nai, hini pri y lu sa nai keung kaichi bawibawi leu adyh nai ne. Kani phairei sala y ami py, samrang nang ai ny y baly takhra khumi teng py, tameuh teng py, chiu sa lawh baly, huni khumi ai khrangsi paeung nai angawm theung y aphi ai, nanai leu pei ba.

AMOS 9:7

Areng my, “Aw Israela khumichi awi, kai ly nangchi ai Ethiopia khumichi tleaung y aly len nai kang palawn bo. Kai ly nangchi ai Aikupta pri i dengdairei kang pahawi nai kamta, Philistia khumichi ai Karete tlawn i dengdairei py, Suria khumichi ai Kira pri i dengdairei py, kang pahawi nai ne.

ROM AVANGCHI TENG Y PAWLA I CHA PA NAI 9:6

Na i py Tameuh i leu ly ati sai py ny y nai kamta awm vui nai ny y leang. Ati mana nai mo nabaly Israela kangpreangchi ly Israelachi ne bebe y leang.

JAKOB 2:13

Ami i tlang tleaung y pahen naira by y nai khumi ai ly, pahen naira abawi y nai tara chih pi ai:pahen naira my tara chih naira ai pajau ai.