SAM 59:16 - Khumi Common Language Bible

¹⁶ Na i py kai ly nang i sa thai naira satang khulym thui ai; nang i khaw parai nai tamen naira satang ai, khawn tleirei khulym thui ai. Nang ly kai i abyhra khengsi apai, patang naira avum nai khala y kai i abyhra ne.

SAM 59:16 ပူးပေါင်းရင်းမြစ်များ

2 SAMUELA 22:3

Kai i Tameuh ly kai ai atleu nai deaungkho y, kai ly chymme naira nga bo. Mymy ly khupui kamta kai ai ama hai; mymy ly kai mang y asa hai iy kai ai chymme naimy ang khai bo. Mymy ly kai i atleu keung ne; kai ai ama hai iy pahyp y naimy ana naira i py atleu bo.

JOBA 15:23

Langnachi ly ni i veu cha ai nai, ajeng u rym nai ne. Ni ly mymy khym taham kasi avum ai, nanai apany.

JOBA 37:23

Tameuh i sa thai naira ly len parai nai deaungkho y, achi ly mymy sahawi y ahihawi pajau y; Mymy ly khumichi hawi amkawm naira y, leu meitang adyh adawi hai nai ne.

SAM 101:1

Aw Areng, kai ly ka-ym awm naira hawi leu meitang satang khulym thui ai; kai ly nang i mo y huni khulym thui ai.

SAM 106:8

Na i py mymy ly mymy i sa thai naira khri pa-rei len parai nai patei pi ai nai adeu yb nai kamta nichi ai atleu bo.

SAM 138:7

Kai ai patang nairachi my ang taki meuh nai neng khala malawn py, nang ly kai ai ama hai bo. Nang ly kai i paleung ka-echi kado theu nai paka iy, sa thai naira hawimy kai ai atleu bo.

SAM 143:8

Nang i khaw parai nai tamen naira ly kai ai khawn tleirei pany hai jo kyh ba; kai ly nang ai ym nai ne. Kai i chiu sa nai nang teng y tym sy; kai i tako ai nai lam patei pi kyh ba.

SAM 145:11

Nichi ly nang i nang parai nai hawi tahm asang nai satang py thui u ai.

SAM 21:13

Aw Areng, nang ly sa thai naira phum-ang awm nai deaungkho y, nang ai kaichi my kang palo u bo! Nang i nang parai nai ai palo nai khulym thui ai.

SAM 30:5

Mymy i kado theu nai ly tanareichy khyh; hawi naira ly deungtasarei ne. Vum y meikatui beu teu i py, khawn mang y ly amo theu hai ali teang nai ne.

SAM 31:7

Nang i khaw parai nai tamen nai saho y, kai ly amo theu ai. Nang ly kai i patang nai niu. Kai i kamtang pany pi bo.

SAM 36:5

Aw Areng, nang i khaw parai nai tamen naira ly kani mang khrairei py, ka-ym awm nai ly tamai salo y khrairei py, tym na bo.

SAM 4:1

Aw Tameuh, kai ai ama hai nai keung! kai i palau nai khala y pathang pi kyh ba. Kai patang nai thym khala y sabawm ba. Vai py kai ai pahen iy kai i chiu sa nai tangai pi kyh ba.

SAM 46:1

Tameuh ly achi i abyhra, achi i atho ne; patang naira avum nai khala y, achi ai sabawm ai nai angveirym jojo.

SAM 5:3

Nang ly khawn mang i neng y kai i chiu sa nai raawi thai bo. Kani si nai neng khala y kai chiu kasa i, nang i pathang pi nai ajeng nai ne.

SAM 77:2

Patang nai neng khala y kai ly Areng teng y chiu kasa; vumtorei kiu pheu iy chiu kasa bo; Na i py kai ly paleung awmnem naira ngo pajau y.

SAM 86:13

Kai i tlang tleaung y nang i khaw parai nai tamen naira ly khri pa-rei len parai na ly! Nang ly kai ai tavau kho i nai atleu bo.

SAM 88:13

Aw Areng, sabawmra nga ai nai kai ly khawn tleirei nang teng y chiu sa bo.

SAM 89:1

Aw Areng, kai ly nang i khaw parai nai tamen naira satang ai avawrei khulym thui ai; kai ly nang i ka-ym awm nai sai ai, neng tleirei amthang hai ai.

THEU NAI 15:6

“Aw Areng, nang i lamtang kiu i sa thai naira ly rengrang iy jei hyn ai nai hawi parai; sa thai naira hawimy paleung ka-echi ai pasum be bo.

JEREMIA 30:7

Ka-jei awm nai neng kani ly ang tym dudu bo; takhra mani kani py, huni kani hawi ly pata pajau y. Huni kani ly Jakob cheng ngari kamtang avum ai nai kani ne. Na i py nichi ly dei y naimy heng u ai,” napi.

ROM AVANGCHI TENG Y PAWLA I CHA PA NAI 15:9

Tameuh i leu ly teng, nanai pany hai ai nai Krista ai ly lengkhym takip naichi ai kry nai keung y palawn bo. “Hunai deaungkho y Cheng Takhrachi theung y ly kang palo ai i, Nang i amyn palo ai nai khulym kathui ai,” nanai tajiu nai kamta.

II KORINTH 1:10

Mymy ly huna tanrei deira y kaichi ai khri pa-rei ama hai bo, ne ama hai bi ai rai; vai py ama hai veangveang ai, nanai kaichi ly mymy ai athang khai cheng bo;

EPHESI 3:20

Hunaibaly achi i paleung theung y sa thai naira sa reng nai kamta, achi i hnei nai hawi dawn nai bawibawichi tleaung y khri pa-rei ty keh nai sa thai nai keung kypkyp teng y ly,

HEBRAI 5:7

Ni ly tlang y awm nai thym khala y ly, dei naira y mymy ai paheng pajau nai keung teng y ly khrikhri pa-rei aeu nai hawi mei katiu tla nai tarawi y chiu sa nai hawi atiti hnei nai talam iy, Tameuh teng y aau nai deaungkho y ang tangai pi:

1 SAMUELA 17:37

Areng ly kai ai khrangsi hawi tavym teng i atleu nai ne. Mymy ly kai ai hini Philistia khumi kiu i nai atleu ai,” napi. Sawla my, “Hawi mang, chei ba; Areng ly nang hawi vanrei awm hai sy,” napi.