SAM 57:5 - Khumi Common Language Bible

⁵ Aw Tameuh, nang i tahm asang nai sai ai kani mang y py, nang i nang parai nai ai khaileaung pri verei y py, amteng hai kyh ba.

SAM 57:5 ပူးပေါင်းရင်းမြစ်များ

1 NENG SATANG 29:1

Samrang Davida ly khumi mipui bawibawichi teng y, “Kai i chapo Solomon ly Tameuh my vawi takhra nai khumi ne. Na i py saneng theang i pany nai sai angym y rai. Ni i sa ai nai kalop ly khri pa-rei len parai. Ati mana nai mo na baly vai sa ai nai ly khumichi i vui samrang yhm ny y, Areng Tameuh i vui Achura yhm ne lawh nai deaungkho y ne.

SAM 148:13

Hunichi ly Areng i amyn palo u sy! Mymy i amyn ly amyn awm nai ngiereichi theung y len keh nai ne; mymy i nang parai nai sai py, khaileaung hawi kani salo y awm.

SAM 21:13

Aw Areng, nang ly sa thai naira phum-ang awm nai deaungkho y, nang ai kaichi my kang palo u bo! Nang i nang parai nai ai palo nai khulym thui ai.

SAM 57:11

Aw Tameuh, nang i tahm asang nai sai ai kani mang y py, nang i nang parai nai ai khaileaung pri verei y py, amthang hai kyh ba.

SAM 59:8

Na i py awi Areng, nang ly nichi ai khen iy panui um ba; Tameuh ai pany y nai khumi bawibawichi ai ly panui hai nai ne.

SAM 64:4

Nichi ly kangji by y naimy, mychi i ka-chawi leuchi ai ahei hai u kaliki bo. nichi ly amso ngai ai hawi nai kapakei leuchi thui iy, khumi kahawi i tahm ai taphra u bo.

SAM 72:19

Amyn nang parai nai ai avawrei palo u! khaileaung pri verei y nang parai nai kawi hai sy. Amen! Amen!

SAM 8:1

Aw kaichi i Areng Tameuh, nang i tahm asang nai sai ly khaileaung pri verei y niu pajau! Nang ai palo nai khulym raawi ly kani pri mang y khrairei tym na bo.

LEU KACHENG 12:18

Adawn chumchi y naimy katheu nai leu ly haisau kamta tamo aneng hai pajau; na i py khumi kacheng i katheu nai leu ly tamo kalemchi ai hawi hai pajau nai ne.

LEU KACHENG 30:14

Phyrei khumichi ly kamawn kateuchi tlang tleaung y pahyp y naimy kho sa iy, mychi apacho pajau ai nai sa u reng nai ne.

ISAIA 12:4

Khumichi my hina nai palo nai neng kani tym ai, “Areng ai palo u! Kasabawmra nga ai nai hnei u! Mymy i sa naichi ai khumi cheng cheaungkhangchi teng y thui pi u! Mymy i nang parai nai sai ai, nichi teng y thui pi u!

ISAIA 2:11

Khumichi i haiho jum nai neng, paleung len am-e naira dyhp nai neng tym ai. Huna nai khala Areng leaungrei naini, tahm asang naira avum ai.

ISAIA 2:17

Khumichi i haiho jum iy paleung len amlyh naichi ly phra ai. Huni neng tym nai khala y, Areng leaungrei naini, tahm asang naira avum ai. Mynchi ly tama angchi khyp ai.

ISAIA 37:20

Aw, kaichi i Areng Tameuh, vaimy kaichi ai Asuria chengchi kiu i nai atleu pi kyh ba. Hunaibaly nangmy leaungrei naini Tameuh ne, nanai khaileaung pri y awm nai khumi cheng bawibawichi my pany u ai,” nanai takeng bo.

ISAIA 6:3

Nichi ly “Ati cheaungkhang sa thai nai Areng ly Kachai, Kachai, Kachai ne! Khaileaung pri ly mymy i nang parai nai hawimy kawi be bo,” nanai aeu u.

HABAKKUK 2:14

Panglichi ly tui my kawi nai kamta, khaileaung py Areng i nang parai nai ai pany nai hawi kawi naimy awm ai.

HABAKKUK 3:3

Tameuh ly Edom pri mang dengdairei ang jeu ali teang ai; Chai parai nai Tameuh ly Paran mawi aheung mang dengdairei ang jeu ai. Mymy i phum-ang ly kani khusang y khiu na bo. Khaileaung py mymy ai palo nai raawi hawi kawi na bo.

Kati Nai 14:21

Na i py kai ly heng nai keung ne iy, kai i nang parai nai sa thai naira ly khaileaung pri verei y ahei nai kamta,