SAM 56:8 - Khumi Common Language Bible

⁸ Kai i patang naira avum ai nai, nang ly pany nai ne; nang ly kai i meikatui beu naichi ai cha-iu theung y tajiu iy, khai pi typ bo. Nang i cha-iu theung y tajiu iy khai pi typ nai ny y a?

SAM 56:8 ပူးပေါင်းရင်းမြစ်များ

2 ARENG KEH 20:5

kai Areng i khumichi ai peang nai Hezekia teng y ali teang ly ni teng y, “Nang i amsi pajo Davida i Tameuh, kai Areng ly nang i chiu sa nai thai i, nang i meikatui py niu bo. Kai ly nang i no nai hawi hai ai i, nang ly kani thomrei bo baly Achura yhm y chei pajau ai.

JOBA 16:20

Ahawi kamrawichi ly kai ai cheh u; Kai ly Tameuh i mo y meikatui tla naimy kaawm bo.

SAM 121:8

Mymy ly nang i chei naira tleirei y vai i dengdairei deungtasa khrairei ama hai ai.

SAM 139:16

Kai ai tapen y rai khala y my, nang ly kai ai pany yb veng bo. Kai i vui heng ai nai neng kani vuikanaichi ai, kai tapen y rai khala y my nang i cha-iu theung y tajiu pi yb veng bo.

SAM 39:12

Aw Areng, kai i chiu sa nai tangai pi kyh ba. Kai i hnei takeng nai tangai pi kyh ba; kai vo nai khala sabawm ai nai jeu kyh ba. Amsi pajochi kamta kai ly nang i angvyn lawm i, tanareichy awm khyh nai ne.

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

JEREMIA 18:23

Na i py aw Areng, kai ai padei ai nai dawn paviu nai khumichi ai, nang ly pany nai ne. Nichi i hawi y nai sai pahen pi moh ba. Nichi ai mychi i kamngochira i nai lawi tleaung hai moh kyh ba. Nichi ai sum hai iy kado theu nai thym khala, nichi ai pasum takengkei kyh ba,” nanai takeng bo.

MALAKHI 3:16

Naibaly Areng ai jei kaji naimy tahm khai nai khumichi, mychi tengtawi arum u nai leuchi ai Areng ly tangai nai deaungkho y thai bo. Areng ly mymy ai jei kaji naimy tahm khai nai khumichi i amynchi ai, mymy mo i cha-iura y tajiu typ bo.

MATTHAI 10:30

Nangchi i sam amai malawn py kati be na a.

II KORINTH 11:26

khuleaung neangneang chei naira y py, tavo takhra takhra ka-jei awm naira y py, damrachi ka-jei awm naira y py, kai i chengchi teng y ka-jei awm naira y py, Cheng Takhrachi teng y ka-jei awm naira y py, avang pui y ka-jei awm naira y py, daichi ka-vym y ka-jei awm naira y py, pangli y ka-jei awm naira y py, amjo amnau tapawp naichi theung y ka-jei awm naira y py;

HEBRAI 11:13

Hunichi bawibawi ly ym nai tarawi y dei u bo:nichi ly adeu nairachi ngo y naimy palo parai naira i dengdairei niu py niu, kawn py kawn, naibaly nichi ly hini khaileaung pri y angvyn hawi pri takhra khumi ne, nanai apany hai bo.

HEBRAI 11:38

nichi ly daichi ka-vym y hawi, mawi y hawi, angawm y hawi, tapiu y py aleaung ryry lawh; khaileaung pri ly nichi ai ataing y leang.

HEBRAI 11:8

Ym naira deaungkho y Abraham ly, ni ai palau nai khala y ly amtym ai nai meingtym y chei ai nai leu tangai bo; naibaly mymy i chei ai naira pany y naimy theu bo.

AMTENG HAI NAI 20:12

Naibaly khumi kadeichi, katheang py kalen py huni areng atehra mo y angdo nai kaniu; naibaly cha-iuchi paeaung iy, cha-iu takhra harei, heng naira cha-iu napi nai ly paeaung teang: naibaly huni cha-iuchi y tajiu nai kamta mymychi i atiti sa naichi kamta khumi kadeichi ai tara chih pi bo.

AMTENG HAI NAI 7:17

ati mana nai mo nabaly areng atehra sala y awm nai Beram Cho ly nichi ai typ nai keung lawn ai i, nichi ai heng nai tuinochi mang y ang pahawi ai; naibaly Tameuh ly nichi i mei i dengdairei mei katui bawibawi tamui pi ai,” napi.

1 SAMUELA 19:18

Davida ly huna nai tleaung vui i, Ramah mary y awm nai Samuela teng y chei iy, my i tlang tleaung y Sawla i sa nai ngierei amti pi. Naibaly ni hawi Samuela ly Naioth avang y chei i, hu y awm hawi bo.

1 SAMUELA 27:1

Sawla my kanirei nai khala ly kai ai ang padei takengkei ai; Philistia pri mang y preang vui nai ly kai i vui hawi keh nai ne. Huna nai khala y ni ly kai ai Israela pri y hau y ai bo i, kai ly chymme naimy kaawm ai nai nga ai,” nanai Davida ly adawn bo.