SAM 56:6 - Khumi Common Language Bible

⁶ Nichi ly abyh nai meingtymchira y akachu iy, kai ai padei ai nai, kai i sa nai ngiereichi ai o iy, khen u bo.

SAM 56:6 ပူးပေါင်းရင်းမြစ်များ

JOBA 14:16

Hunaibaly mymy ly kai i kheukan ngiereichi ai khen patawm nai ne. Na i py kai i kamngochi ai kheulawi padyh iy, ang khen patawm ai ny y.

JOBA 16:10

Khumichi ly kai ai cheh; taki kaleuteu iy kai i tangbeng ai tabeang u.

JOBA 31:4

Tameuh ly kai i sa nai ngiereichi ai pany iy, kai i takan nai kheukanchi niu nai ne.

SAM 140:2

Nichi ly hawi y sa ai nai avawrei dawn u iy, ajo ai nai leu pakei u jojo.

SAM 37:32

Khumi hawi y nai ly khumi kahawi ai oh iy, padei ai nai atho sa reng.

SAM 57:6

Paleung ka-echi ly kai ai patiu ai nai py jang u bo; kai ly khrikhri pa-rei paleung mawn naira avum nai ne. Nichi ly kai i tako nai lam y angawm tau u bo; na i py huni angawm theung y mychi naimy tla u nai ne.

SAM 59:3

Kai ai huni khumichi my tiu ai nai ajeng u nai ly khen cham ba! pahyp y naimy ana nai khumichi ly kai ai ang tiu ai nai akachu u bo. Aw Areng, huni khumichi ly kai ai tiu ai nai meingtym la u kaliki nai ly

SAM 71:10

Kai i paleung ka-echi ly kai ai padei ai nai ngai u nai deaungkho y, arum pasym u bo.

SAM 89:51

Aw Areng, nangmy vawi takhra nai samrang ai, nang i paleung ka-echi my khumi aniu y nai sa u lawh ly! Nichi ly ni i chei naira tleirei y, khumi aniu y nai sa u bo.

LEU KACHENG 24:15

Nang ly khumi hawi y naichi kamta, khumi kahawichi i yhmtheaung katui lawm ai nai py, ni i yhm ai keng vui ai nai py dawn moh.

ISAIA 54:15

Nang ai ang tiu nai khumi leaung leaungrei awm lawh teu baly, huni khumi ly kai i kangai ny y. Nang ai tiu nai ngiereichi ly sum ai.

JEREMIA 20:10

Kai ly khumichi i leu kamsyh y thui nai raawi thai nai ne. Nichi ly kai ai, “Meingtym tleirei y jei hyn ai hawi nai khumi!” nanai amyn pei iy, “Ni i satang ai peang nai keungchi teng y thai hai u sina!” napi u. Kai hawi amrawi keh nai ahawi ka-dawichi malawn py, kai atlym nai ajeng u bo. Nichi my, “Ni ai achi my li-tapawp pajau lym ai; li hyp naimy patiu iy vawitheung tha pajau ai,” nanai thui u nai ne.

DANIELA 6:4

Naibaly takhra lu sa nai kamkawmchi hawi bangtang kalenchi ly Daniela i kalop sa naira y, tamang naira hau u. Na i py tamang nai ati sai py avum y. Ati mana nai mo na baly Daniela ly ka-ym awm nai khumi ne i, tamang naira, teng y naira so y nai deaungkho y ne.

MATTHAI 26:57

Naibaly Isu ai patiu nai keungchi ly mymy ai ly pathyp pi nai keung kalen keh nai Kaiapha teng y pahawi u bo. Huni meingtym y Reita patiu nai keungchi hawi, miteaung kehchi ly awm u achu veng bo.

MATTHAI 27:1

Naibaly khawn mang y ly pathyp pi nai keung kalenchi hawi khumi hum miteaung kehchi bawibawi ly Isu ai padei ai nai sai arum u bo;

LUKA 20:20

Naibaly mymy ai ly aripeng i tara chih naira y hawi, aly peang naira y au thai ai nai, mymy i leu thui tamang naira amo jo ai nai, khen paryp nai khumi, khumi kahawi kamta awm hyp veng naichi ai py pato.