SAM 54:6 - Khumi Common Language Bible

⁶ Aw Areng, kai ly nang teng y amo theu parai naimy amthyp ai; nang ly hawi nai deaungkho y, kai ly kawn naimy palo ai.

SAM 54:6 ပူးပေါင်းရင်းမြစ်များ

SAM 107:22

Nichi ly kapathypra hawi mymy ai kawn naimy palo u ai; amo theu naimy khulym thui u iy, mymy i sa nai saichi amteng hai ai.

SAM 116:17

Kai ly nang teng y kawn nai kapathypra talam ai; nang teng y chiu sa ai.

SAM 118:7

Kai ai sabawm nai keung ly Areng ne nai deaungkho y, kai ly paleung ka-echi sum nai kaniu ai.

SAM 140:13

Khumi kahawichi ly nang ai meitang khyp naimy palo ai; nichi ly nang i mo y awm ai nai nga u ai.

SAM 147:1

Areng ai ly palo! Achi i Tameuh ai palo nai khulym thui nai ly khri pa-rei hawi parai; mymy ai palo nai ly teng parai i, amlau keh nai ne.

SAM 21:13

Aw Areng, nang ly sa thai naira phum-ang awm nai deaungkho y, nang ai kaichi my kang palo u bo! Nang i nang parai nai ai palo nai khulym thui ai.

SAM 50:14

Kawn nai leu thui nai naini Tameuh teng y nangchi i apathyp nai palawn u; huni bo y ati cheaungkhang sa thai nai keung teng y, nangchi vaineng adeu nai kamta so u.

SAM 52:9

Aw Tameuh, nang i sa nai leaungsaichi molam y, kai ly kawn naimy palo jojo ai; nang i hawi nai satang, nang i khumichi mo y amthang hai ai.

SAM 7:17

Areng ly leu meitang ne nai deaungkho y, kai ly mymy ai palo ai. Salo kangteng Areng ai, kai ly khulym thui naimy palo ai.

SAM 92:1

Aw Areng, nang teng y kawn nai leu thui nai py, tahm asang keh nai Tameuh, nang i nang parai nai ai palo nai khulym thui nai py,

ISAIA 50:7

Na i py Areng ly kai ai sabawm nai deaungkho y, nichi i ana nai ly kai i tlang tleaung y patang naira tym hai y leang. Hunichi ai kham pajau ai nai, kai ly khamta bo.

ISAIA 50:9

Areng mymy kypkyp my, kai mang y asa hai ai i, kai teng y kamngo awm, nanai ami my pany hai nai ka-ma-ra patei pajau ai mo? Kai ai neng hai nai khumi ngiereichi ly tama veng ai. Nichi ly thaikem my cha nai ateaung kamta phra ai.