SAM 54:1 - Khumi Common Language Bible

¹ Aw Tameuh, nang i sa thai naira hawi kai ai atleu ba; kai ai nang i atho hawi lawi hai kyh ba.

SAM 54:1 ပူးပေါင်းရင်းမြစ်များ

2 NENG SATANG 20:6

Naibaly aeu naimy chiu sa nai ly “Aw kaichi amsi pajochi i Areng Tameuh, nang ly kani pri mang y awm iy khaileaung pri y awm nai khumi cheng cheaungkhangchi ai peang nai ne. Nang ly sa thai naira hawi nang parai naira kawi angym nai deaungkho y, ami py nang ai ka-awi so pajau y.

SAM 20:1

Patang nai neng khala nang i chiu sa nai Areng ly pathang pi sy! Jakob i Tameuh ly nang ai amo hai sy!

SAM 26:1

Aw Areng, kai ly kateng sa iy nang ai paleung hawi verei ym nai khumi ne. Hunai deaungkho y kai teng y kamngo by y, nanai thai hai pi ba.

SAM 48:10

Meingtym tleirei y khumi bawibawichi ly nang ai palo u; nang i satang ly khaileaung pri verei y amthang nai ne. Nang ly leu meitang naimy peang bo.

SAM 79:9

Aw Tameuh, kaichi ai sabawm ly atleu kyh ba; nang i amyn saho y kaichi ai atleu iy, kaichi i kamngochi py pahen pi kyh ba.

SAM 99:4

Sa thai naira len parai nai samrang awi, nang ly kateng lam ai khrei; nang ly Israela pri y leu meitang kawi hai; kateng lam hawi leu meitang ai khaw hai nai ne.

THEU NAI 23:21

Ni ai tahm khai iy ni i leu tangai u. Ni ai kaimy pato nai ne i, ni ai tiu u moh; ni ly huna nai tiu nai ai ly pahen pi ai ny y.

LEU KACHENG 18:10

Areng ly khumi kahawichi i abyhra, khaw parai nai lengseaung yhm pui atawm. Hu y khumi kahawichi ly chymme naira nga ai nai chei u pajau nai ne.

LEU KACHENG 23:11

Areng ly sa thai naira hawimy nichi ai ama hai ai i, mymy ly nang ai ka-awi sa iy, nichi mang y asa ai.

ISAIA 30:27

Areng i sa thai naira hawi nang parai naira ai kamlo mang my niu pajau nai ne. Mai kangvang hawi maikhyhchi ly mymy i kado theu nai sai patei pi bo. Mymy leu pei nai khala y labeaung mang theu nai leuchi ly mai kamta kang hai bo.

JEREMIA 50:34

Na i py nichi ai atleu ai nai keung ly atho awm parai nai ne. Ni i amyn ly ati cheaungkhang sa thai nai keung Areng ne. Mymy kypkyp ly nichi ai ama hai iy, huni pri y tlamsa naira tym hai ai. Na i py Babulon khumichi ai ly khrukhra naira tym hai ai,” napi.

MATTHAI 1:21

Mymy ly chapo tapen ai i, nang ly amyn Isu pathi ai nai tla; ati mana nai mo nabaly ni ly mymy i Khumichi ai nichi i kamngo i nai palawi ai,” napi.

MATTHAI 1:23

Ni i amyn ly Emmanuela pathi ai,” nanai thui nai ly tym thai ai nai huni bawibawi ly awm nai bo. (Emmanuela nanai ly, “Achi hawi vanrei awm nai Tameuh,” nanai sai ne.)

MATTHAI 10:21

Naibaly padei hai ai nai amjo amnau tengtawi apatiu hai i, ampo py chanau ai patiu hai teang ai; chanauchi py mychi i amhm ampo ai tiu ai i, padei hai teang ai.

AMTAW 4:12

Takhra ami teng y py pahengra by y leang, kani anui y khumi amyn pathi naichi theung y achi ai paheng ai nai amyn takhra ha py by y,” napi.

1 SAMUELA 26:1

Zipha mary i khumi phyreichi ly Sawla awm nai Kibeah mary y chei u i, Davida ly daichi ka-vym kachawn mang i Hakhila mawi saleung y aheu, nanai thui pi u.