SAM 53:5 - Khumi Common Language Bible

⁵ Na i py Tameuh ly mymy i khumichi i paleung ka-echi i hiuchi ai ahei hai pawn ai i, nichi ly tlenrei py avum vai y nai ka-jeirachi hawi khri pa-rei jei hyn u ai. Tameuh ly nichi ai khai su bo i, Israela chengchi ly pajau u vui ai.

SAM 53:5 ပူးပေါင်းရင်းမြစ်များ

JOBA 15:21

Ni ly ka-jei awm nai raawichi thai naimy, phrumai by y leaung bo, nanai athang awm nai neng khala y, kangviu damrachi my tiu nai avum ai.

SAM 14:5

Na i py Tameuh ly mymy i leu tangai nai khumichi hawi vanrei awm nai deaungkho y, nichi ly kaso theu u ai.

SAM 141:7

Huni samrangchi i hiuchi ly dei lawm na pa-rei khawi piu nai theng kamta, tapreaung angawm peang y ahei phro ai.

SAM 2:4

Kani mang y awm nai areng atehra salo y Areng ly panui naimy nichi i dawn pasym nai ai panui hai nai ne.

SAM 35:26

Kai i patang nai molam y paleung amo theu nai khumichi ly khri pa-rei sum iy, ahei u phro na sy. Mymychi ai kai tleaung y hawi keh, nanai thui nai khumichi ly kangji nga iy meimai phra u na sy.

SAM 35:4

Kai ai padei ai nai atho sa nai khumichi ly sum naimy kangji ngo u sy! Kai ai ka-jeira tym hai ai nai tau nai khumichi ly anaw u iy ahei u phro sy!

SAM 40:14

Kai ai padei ai nai atho sa nai khumichi ly sum angchi khyp iy, ahei u phro phra sy. Kai i patang nairachi molam y amo theu nai khumichi ly anaw iy kangji ngo u sy.

SAM 73:20

Nichi ly khawn mang y amang tami vui nai kamta ne; aw Areng nang ang thau nai khala y, nichi ly tama u veng bo.

LEU KACHENG 28:1

Khumi hawi y nai ly mymy ai pareng nai khumi by y pui naimy angpreng reng. Na i py khumi kahawi ly khrangsi kamta vam parai nai ne.

JEREMIA 49:15

Areng ly nangchi i pri ai atho bai hai iy, ami py nangchi ai tahm ang khai u ai ny y.

JEREMIA 6:30

Kai, Areng ly nichi ai khai su bo. Hunai deaungkho y nichi ai tangka chang ei, nanai palau ai,” napi.

TANGAM NAI LEU 2:6

Mymy ly achi i chiu nai Achura yhm ai ly deihpiu pa-rei taphra vui. Mymy ly reita pawi kanichi hawi, anawn kanichi ai tem hai vui bo. Samrang hawi pathyp pi nai keungchi ly vanrei naimy mymy i kado theu nai avum u nai ne.

Ezekiela 6:5

Kai ly Israela chengchi i veu ai mychi i mynchi mo y hei pi phro ai. Nichi i hiuchi ai maicham ka-kira y hei ai.

Levi 26:17

Kai ly nangchi ai nithun thun hai vui nai deaungkho y, nangchi ly tavai sum u ai i, paleung ka-echi my ang peang ai. Nangchi ly khri pa-rei jei hyn nai y, hui nai khumi by y naimy angpreng u ai.

Levi 26:36

“Nangchi ly pri takhra y awm u nai thym khala, ali aho nai dengkeaung ngam katyn thai nai hawimy jei hyn iy, preang u ai. Nangchi ly tavai keung y paleung ka-e my preng nai y angpreng u nai kamta, angpreng ai. Nangchi sahawi y paleung ka-echi by y teu i py, nangchi ly atlym u ai.

1 SAMUELA 14:15

Tavai prangra y awm nai Philistia cheng bawibawichi ly khri pa-rei jei u; tai theung y awm nai tavaimichi hawi, tavai kang aleaung nai risachi ly athengra nanai ne. Khaileaung malawn py amchyh na i, paleung ka-echi ly ahei u phro phra bo.